गायिका एवं नायिका सारिका घिमिरेले सम्बन्धमा बढेको दूरी घटाउन आग्रह गर्नुभएको छ । सारिकाको शब्द, संगीत र स्वर रहेको सावर्जनिक गीतमा उहाँले यस्तो आग्रह गर्नुभएको हो ।
भीष्म आचार्यको संगीत संयोजन र साजन शाहको मिक्सिङ/माष्टरिङ रहेको छ गीतमा । सार्वजनिक प्रेमिल गीतमा आफूले माया गरेको मान्छेले दूरी बढाएकोमा घटाउन आग्रह गरिएको छ । गीतको भिडियो नेपमेलो युट्युब च्यानलमार्फत सार्वजनिक गरिएको हो ।
नायिका तथा गायिका सारिकाले पछिल्लो समय गायनमार्फत चर्चा बटुल्न सफल हुनुभएको छ । नेपाली चलचित्र क्षेत्रमा आफ्नो राम्रो पहिचान बनाउनुभएकी सारिका यतिबेला गायिकाका रूपमा आफ्नो पहिचानलाई अग्लाई रहनुभएको छ ।
एक दर्जनभन्दा बढी चलचित्रमा अभियन गर्नुभएकी उहाँ तीन दर्जन जति गीतका भिडियोमा पनि देखिनुभएको छ । पछिल्लो समय गायिकाका रूपमा ख्याति कमाउँदै जानुभएकी घिमिरेका केही गीत करोडौं क्लबमा पनि पर्न सफल भएका छन् ।
