नेपाल सरकार र नेपाल शिक्षक महासंघबीच भएको सहमतिप्रति आपत्ति जनाउँदै नेपाल विद्यालय कर्मचारी परिषद्ले आन्दोलनका कार्यक्रम घोषणा गरेको छ। शिक्षक महासंघले विद्यालयका कर्मचारीहरूको मागलाई बेवास्ता गरी सरकारसँग सहमति गरेको भन्दै विद्यालय कर्मचारी परिषद् आन्दोलित बनेको हो।
परिषद्ले सम्बन्धित सरोकारवाला निकाय र संघसंगठनहरुलाई साथ, सहयोग र सर्मथनका लागि अपिल गरेकाे छ।
परिषद्ले यही जेठ ९ र १० मा काठमाडौँ केन्द्रित आन्दोलन गर्ने जनाएको छ। जसमा माइतीघर मण्डलादेखि सडक आन्दोलन हुने जनाउँदै त्यसमा सबै उपस्थित हुने जनाएको छ। त्यसपछि दोस्रो चरणको आन्दोलनको रूपरेखा तयार गरिने परिषद्ले जानकारी दिएको छ।
लोकप्रिय समाचार
