चितवन, पुस २० ।
चितवन जिल्लाको रत्ननगरमा १५ वर्षीया किशोरीलाई जबर्जस्ती करणी गरेको आरोपमामा रत्ननगर नगरपालिका–११ मङ्गलपुरका ७५ वर्षीय सुकवीर तामाङलाई प्रहरीले पक्राउ गरेको छ ।
पीडित किशोरीले दिएको जाहेरी अनुसार ती वृद्धलाई नियन्त्रणमा लिइएको टाँडीस्थित इलाका प्रहरी कार्यालयका प्रहरी नायब उपरीक्षक दयानिधि ज्ञवालीले जनाए ।
किशोरीले आफूलाई सञ्चो नभएको बेलामा झारफुक गरी निको पारिदिने आश्वासन दिदै तामाङले घरमा बोलाउने र जबर्जस्ती गर्नुको साथै एउटा जन्तरसमेत लगाउन दिएको र त्यो लगाएपछि आफू उसैप्रति आकर्षित हुँदै आएको भन्दै प्रहरी कार्यालयमा आएर जाहेरी दिएको प्रहरी नायब उपरीक्षक ज्ञवालीले बताए ।
पीडित किशोरीले बुधबार आफूलाई विभिन्न टुनामुना लगाएर पटक–पटक बलात्कार गरेको भन्दै उजुरी दिएपछि वृद्धलाई नियन्त्रणमा लिइएको प्रहरीले जनाएको छ ।
लोकप्रिय समाचार
