देविका बन्दना, प्रताप दास र किरण कँडेलको स्वरमा रहेको गीत ‘शुभ-विवाह’ सार्वजनिक भएको छ । बन्दनाकै शब्द रचना, किरण कँडेलको संगीत र अशोक महर्जनको मिक्सिङ रहेको गीतको भिडियो सार्वजनिक भएको हो । बन्दनाले यस गीतमा विवाहमा हुने गरेका नेपाली परम्परागत संस्कृति तथा संस्कारलाई जस्ताको तस्तै प्रस्तुत गर्नु भएको छ । साथै नयाँ पुस्तामा देखिएको हल्दी-मेहन्दी आयातीत संस्कारलाई पनि यस गीतमार्फत उजागर गर्ने कार्य भएको छ ।
गायिका बन्दना कै कन्सेप्ट रहेको गीतको भिडियो भिडियोमा नेपाली चलचित्र उद्योगका तीन जीवित देवीहरू बसुन्धरा भुसाल, भुवन चन्द र चैत्यदेवीको अलावा किरण केसी, दीपाश्री निरौला, निर्मल शर्मा, रोशनी केसी, सम्झना बुढाथोकीको विशेष अभिनय छ । साथमा विशेष अतिथि कलाकारहरूमा मदनकृष्ण श्रेष्ठ, हरिवंश आचार्यदेखि प्रज्ञा सिंह, महेशमान सिंह, प्रत्युसमान सिंह, दीप तुलाधरसम्मको उपस्थितिले भिडियोलाई गमकता दिएको छ ।
देवराज आचार्य र राइला वेडिइन्ङको डिओपी/सिनेमेटोग्राफी रहेको भिडियोमा मिलन विश्वकर्माको दृश्य सम्पादन एवं कलर छ । गीतको भिडियो देविकाकै अफिसियल युट्युब च्यानलमार्फत सार्वजनिक गरिएको हो ।
