बुटवलको होराइजन चोकस्थित मिलिजुली पथमा डिभोर्स गरी अर्कैसँग बिहे गरेकी पूर्वपत्नीसहित तीन जनाको सामूहिक हत्या प्रकरणमा सुजन कोइरालालाई प्रहरीले पक्राउ गरेको छ।
मिलिजुली पथमा ३४ वर्षीया दीपा बस्याल, उनका ४ र ७ वर्षका दुई छोरीहरूको हत्या भएको हो।
सम्बन्ध विच्छेदपछि अर्कैसँग विवाह गरेर गएकी दीपालाई उनका पूर्वपति कोइरालाले आफ्नै घरमा बोलाएर बुधबार बिहान ४ बजेतिर हत्या गरेको रुपन्देही प्रहरीले जनाएको छ।
उनीहरुलाई घरेलु हतियार हेम्बर र चक्कु प्रहार गरी हत्या गरेको पाइएको प्रहरीको भनाइ छ।
मृतक दीपाका पूर्वपति कोइरालालाई प्रहरीले नियन्त्रणमा लिएको छ । प्रहरीका अनुसार हत्या गर्ने अभियुक्त आफ्नै दाजु मारेर जेल बसी केही वर्षअघि संविधान दिवसको दिन आम माफी पाएर छुटेका थिए।
लोकप्रिय समाचार
