छिमेकी मुलुक भारतमा पछिल्लो २४ घण्टामा थप पाँच जना कोरोना सङ्क्रमितको मृत्यु भएको छ ।
स्वास्थ्य तथा परिवार कल्याण मन्त्रालयले सार्वजनिक गरेको पछिल्लो २४ घण्टाको विवरण अनुसार महाराष्ट्रमा दुई जना तथा केरला, तमिल नाडु र वेष्ट बंगालमा एक/एक जनाको मृत्यु भएको हो ।
मृत्यु हुनेमा महाराष्ट्रका ७० र ७३ वर्षीया महिला, केरलाका ८० वर्षीय पुरुष, तमिल नाडुका ६९ वर्षीया महिला र वेष्ट बंगालका ४३ वर्षीया महिला छन् । मृत्यु हुनेहरूमा कुनै न कुनै दीर्घ रोग रहेको बताइएको छ ।
यस्तै, भारतमा पछिल्लो २४ घण्टामा ६५ जना नयाँ सङ्क्रमित थपिएका छन् भने ५१२ जना निको भएर घर फर्किएका छन् । हाल भारतमा जनवरीयता कोरोनाका सक्रिय सङ्क्रमितको सङ्ख्या चार हजार २६ छन् भने त्यसमध्ये दुई हजार ७०० जना निको भएका छन् ।
भारतमा कोरोना संक्रमित र मृतकको सङ्ख्या बढ्दै गएपछि नेपालमा पनि उच्च सतर्कता अपनाइएको छ ।
