लोकगायक पशुपति शर्माले गीत `झोले त तैँ, झोले त मैँ´ बोलको गीत सार्वजनिक गरेका छन्। बिहीबार आफ्नो अफिसियल युट्युब च्यानलमार्फत गीत सार्वजनिक गरेका हुन्।
गीतमा पशुपतिको शब्द, स्वर र संगीत रहेको छ। सार्वजनिक गीतमा पशुपतिले राजनीतिक दल, नेतादेखि कार्यकर्तासम्मलाई व्यंग्य गरेका छन्।
छाडा गीत गाउनेदेखि क्यामेरामा भाइरल हुने प्रवृत्तिसम्मलाई पनि उनले व्यंग्य गरेका छन्। रमाइलो शैलीमा तयार यो गीतले खराब व्यक्ति र प्रवृत्तिमाथि व्यंग्य गरेको छ।
गीतको भिडिओमा पशुपति स्वयंले अभिनय गरेका छन्। उनीसँगै जेरी भण्डारी भिडिओमा देखिएका छन्। जेरी भण्डारीको कोरियोग्राफी र निर्देशनमा बनेको गीतको भिडिओमा नवराज उप्रेतीको छायांकन, सुजन कोइरालाको सम्पादन छ।
लोकप्रिय समाचार
