Logo
28 Feb 2024    १६ फाल्गुन २०८०, बुधबार

ताजा खबर

६२० किलो गाँजा बरामद काठमाडौंका यी स्थानमा आजदेखि २२ गतेसम्म विद्युत् सेवा अवरुद्ध हुने लेबनानलाई हराउँदै नेपाल वाफ च्याम्पियनसिपको फाइनलमा सरकारसमक्ष मिटरब्याज पीडितको ६ बुँदे माग प्रस्तुत प्रभु बैंकका डेपुटी सीईओ मनोज न्यौपाने पक्राउ नेशनल मेडिकल कलेजद्वारा आयोजित निःशुल्क स्वास्थ्य शिविरबाट २१ सय बढी बिरामी लाभान्वित

काठमाडौं मलका विचौलियाविरुद्द शुष्मा महराको नेतृत्वमा गठित काठमाडौं मल समन्वय समितिको अपिल जारी

admin

Kathmandu Mall

काठमाडौं, पुस-२५ ।

राजधानीको मुख्य भागमा रहेको काठमाडौं मल २०६२ सालदेखि सञ्चालनमा आएको हो । नेपाल सरकार सञ्चय कोषको लगानीमा निर्मित भवनलाई प्रख्यात व्यापारिक केन्द्र बनाउन यस मलमा व्यवसाय गरिरहेकाहरुको महत्वपूर्ण योगदान छ । तर, मल सञ्चालनका लागि सञ्चय कोषले स्पष्ट नीति नलिँदा सधैं अन्योलको अवस्था सिर्जना हुने गरेको छ । यसले व्यवसायी सधैं समस्यामा पर्ने गरेका छन् ।

सरकारको भवनको लाभ यो मलमा पसिना बगाइरहेका व्यवसायी र सरकारलाई नभइ विचौलियाले लिँदै आइरहेका छन् । मल एउटा भवन मात्रै नभइ व्यवसायिक केन्द्र पनि भएकाले यसको आफ्नै प्रतिष्ठा छ । जुन सिधा यहाँ व्यवसाय गरिरहेका ३ सय व्यवसायीहरुसँग जोडिन्छ । उनीहरुले आफ्नो व्यवसायलाई नाफामुखी मात्रै नभइ सेवामुखी समेत बनाएकाले नै एउटा भवन आज आमजनको विश्वासिलो किनमेल केन्द्रका रुपमा सुपरिचित छ ।

व्यवासाय क्षणिक लाभका लागि मात्रै गरिँदैन । दीर्घकालिन लाभको अपेक्षा सहित घरखेत बन्दकी राखेर गरिएको हुन्छ । काठमाडौं मलमा व्यवसाय गर्नेहरुले पनि भविष्यको आशाले वर्तमानमा संघर्ष गरिरहेका हुन् । अनेक उपाय अपनाएर ग्राहकको विश्वास जितेका हुन् । यसरी लागिरहेका व्यवसायीहरुलाई ढुक्क आफ्नो व्यवसाय गर्ने वातावरण बनाउनको सट्टा सधैं अस्थिरता सिर्जना गरेर त्रासपूर्ण वातावरण बनाउने काम भइरहेको छ । अनियमितता, अपारदर्शीता र अव्यवस्थाको चंगुलमा फस्दै गइरहेको मललाई त्यसबाट उम्काउनु अब व्यवसायिक हित मात्रै रहेन, देशको सम्पत्ति सुरक्षा गर्नु पनि सवै नागरिकको दायित्व हुन आउँछ ।

विचौलियाले देखाइरहेको त्रास, गरिरहेको गुन्डागर्दी र बनाइरहेको भयको वातावरण विरुद्ध यहाँका व्यवसायी बोल्न डराइरहेका अवस्था छ । तर, यसबाट डराएर बस्नु आत्महत्याको बाटो स्वीकार्नु जस्तै रहेको महशुस गर्दै चौथो तल्लामा व्यवसाय गर्दै आइरहेकी शुष्मा महराको नेतृत्वमा आवाज उठाउन सुरु भएको छ । नेपाल उद्योग वाणिज्य महासंघ, नेपाल उद्योग वाणिज्य संघ काठमाडौंको सहयोग समेत रहेको यो अन्याय विरुद्ध जुध्न १ सय ५० भन्दा बढी व्यवसायी ऐक्यबद्ध भएका छन् । यसका साथै यी व्यवसायीको समर्थनमा समन्वय समिति गठन गरिएको छ । यसलाई अझ प्रभावशाली बनाउन ७ सदस्यीय समितिबाट १४ सदस्यीय बनाइएको छ ।

काठमाडौं मल समन्वय समितिको अपिल:
आगामी दिनमा मलका व्यवसायी र काठमाडौं मलको हकहितका लागि निम्न बुँदाहरुलाई मध्यनजर गरी छलफल तथा समन्वयका लागि सरोकारवाला सवैमा हार्दिक अनुरोध गरिन्छ ।

१. मलमा सधैं कमचारी सञ्चय कोषले एक्कासी ठेकेदार पठाउने र ठेकेदारले मनपरी भाडा उठाउने प्रवृत्ति रहेकाले आगामी दिनमा पसलको भाडा ब्यपार समितिले ब्यवसायीसँग भएको सम्झौता पत्रअनुसारको रकम र नयाँ पषसल राखेकाहरु लाई समेत त्यसैको आधारमा भाडा रकम तय गरेर मात्र ठेक्का प्रक्रिया अगाडी बढाउनु पर्ने । यसले ठेक्कामा लिने ठेकेदार समेत कति भाडा उठछ भन्ने प्रष्ट हुने छ ।

२. पछिल्लो समय शिवलक्ष्मी कोजुको टेन्डर कर्मचारी सञ्चय कोषले रद्द गरिसकेको अवस्थामा अर्को टेन्डरको ब्यवस्था नहुन्जेल सम्म कर्मचारी संचय कोषले व्यवसायीहरु मिलेर सञ्चालन गर्न भनिरहेको छ । तर, यो फेरि पनि मल हत्याउन चाहने विचौलियालाई बाटो खोलिदिनु सरह हो । पहिलेकै प्रक्रिया र चलखेलको पुनरागमन हो । यसलाई व्यवस्थित व्यवसायीहरुको सहयोगमा संचय कोष आफै आएर पारदर्शी रुपमा केही समय सञ्चालन गर्नुपर्छ । यसले आगामी दिनमा कसरी अघि बढ्ने भन्ने समेत तय गर्नेछ भने व्यवसायी पनि ढुक्क हुने वातावरण बन्नेछ ।

३. काठमाडौं मल भवन धेरै पुरानो नभइसकेकाले केही मर्मत सम्हार गरे व्यवस्थित हुने देखिन्छ । त्यसका लागि यहाँका पार्किङ, शौचालय, लिफ्ट, एक्साभेटर नचल्ने अवस्थाले व्यवसायलाई मार परेकोले तत्काल कर्मचारी सञ्चय कोषले मर्मतसम्हार गर्नुपर्ने ।

४. विभिन्न समय र अवस्थामा काठमाडौं मलमा अनियमितता भएको देखिन्छ । यसका लागि कर्मचारी सञ्चय कोषले तत्काल छानविन कमिटि बनाइ छानविनको प्रक्रिया अघि बढाउनु पर्ने ।

५.मलमा व्यवसायी भन्दा बाहिरका मान्छेको हस्तक्षेप तत्काल बन्द गर्नुपर्ने ।

६. मल अगाडिको फुटपाथमा बाटो नै बन्द हुनेगरी राखेको पसलले मल आवातजावतमै समस्या परेको हुनाले हटाउन तत्काल पहल गर्ने ।

७.काठमाडौं मलमा नेपाल उद्योग वाणिज्य संघका कर्मचारीमाथि हमलाको आदेश दिनेमाथि कार्वाही गर्नुपर्ने ।

८. डर र त्रास देखाएर सटरहरु बन्द गराइएको छ । कमचारी सञ्चय कोषको सूचना पछि बन्द भएका ब्यवसायीका सटरहरु तत्काल खुलाउनु पहल गर्नुपर्ने । र सामान खरिद गर्न आउने सुबिदाको लागि राखिएको एटीएमहरु हटाईएकोमा तत्काल ति एटिएमहरु सञ्चालनमा ल्याउने ।

९. सधैं विवाद, अन्योलता र अस्थिरता बीच गुज्रिरहेको मल सञ्चालनलाई व्यवस्थित गर्न उचित ऐननियम निर्माण गरिनुपर्ने ।


लोकप्रिय समाचार
ताजा समाचार
धेरै पढिएको