काठमाडौं, पुस-२५ ।
आज नेपाल र जापानबीच हवाई सेवा सम्झौता हुँदैछ ।
नेपालको औपचारिक भ्रमणका क्रममा आज नेपाल आउन लागेका जापानका विदेशमन्त्री तारो कोनोसंग दुई मुलुकबीच हवाई सेवा सम्झौता हुन लागेको हो ।
अपराह्न परराष्ट्रमन्त्री प्रदीपकुमार ज्ञवाली र उनका समकक्षी कोनोबीच ४ बजेपछि हुने मन्त्रीस्तरीय वार्तापछि सम्झौता हुने परराष्ट्र मन्त्रालयले जानकारी दिएको छ।
त्यसैगरी, नेपाल र जापानको परराष्ट्र मन्त्रालयकोबीचमा सहयोग प्रवर्द्दन गर्नेसम्बन्धी द्विपक्षीय परामर्श संयन्त्रसमेत निर्माण गरिने भएको छ ।
परामर्श संयन्त्र निर्माणसम्बन्धी समझदारीपत्रमा हस्ताक्षर तथा पत्र आदानप्रदान हुने कार्यक्रम रहेको जनाईएको छ ।
नेपालको दुई दिने औपचारिक भ्रमणका लागि मन्त्री ज्ञवालीको निमन्त्रणामा जापानी विदेशमन्त्री कोनो १८ सदस्यीय प्रतिनिधिमण्डलको नेतृत्व गर्दै आज काठमाडौं आउँदै छन् ।
