नयाँ दिल्ली — गुरु पूर्णिमाको पावन अवसरमा देशभरका ३५ भन्दा बढी PVR–Inox सिनेमा हलहरूमा एक अनौठो र ऐतिहासिक कार्यक्रमको आयोजना गरियो, जहाँ प्रख्यात दार्शनिक तथा लेखक आचार्य प्रशान्त ले हजारौं साधकहरूलाई गुरु पूर्णिमाको वास्तविक मर्मबारे मार्गदर्शन गरे। यो केवल धार्मिक वा परम्परागत अनुष्ठान नभई, आत्मबोध र सत्यको खोजमा रहेका व्यक्तिहरूका लागि गहिरो बौद्धिक तथा आध्यात्मिक संवादको अवसर बन्यो।
यो विशेष सत्र दिल्ली NCR, मुम्बई, पुणे, बेंगलुरु, कोलकाता, जयपुर, भोपाल लगायत ३५ भन्दा बढी शहरहरूमा एकै साथ प्रत्यक्ष प्रशारणमार्फत प्रस्तुत गरियो। प्रत्येक शहरमा ठूलो संख्यामा साधक, युवा तथा जिज्ञासुहरू सहभागी भए।
गुरु भनेको व्यक्ति होइन, प्रकाशतर्फ लैजाने प्रक्रिया हो
आचार्य प्रशान्तले आफ्नो सम्बोधनमा स्पष्ट रूपमा भने कि गुरु केवल शरीरधारी व्यक्ति होइन, त्यो चेतना हो जसले हामीलाई अन्धकार (गु) बाट प्रकाश (रु) तर्फ लैजान्छ। उनले भने, “गुरु त्यो हो जो तपाईंका भ्रमहरू तोड्छ, न कि तिनीहरूलाई सहलाउँछ। गुरु त्यो हो जो तपाईंलाई तपाईंले बनाएको झुटो संसारबाट बाहिर निकाल्छ।”
उनी भन्छन्, गुरु पूर्णिमा पूजा वा आराधनाको दिन मात्र नभई, आन्तरिक शुद्धता र विवेकपूर्ण जीवनयापनको संकल्प गर्ने दिन हुनुपर्छ। गुरुसितको सम्बन्ध तभी सार्थक हुन्छ जब शिष्यले आफ्ना सीमाहरू चिन्न र पार गर्न सक्ने साहस देखाउँछ।
देशभर साधकहरूको उत्साहजनक सहभागिता
PVR जस्ता आधुनिक माध्यममार्फत यस्तो कार्यक्रम सञ्चालन गरेर आचार्य प्रशान्तले देखाए कि अध्यात्मलाई नयाँ प्रविधि र समयानुकूल माध्यमद्वारा पनि सर्वसाधारणसम्म पुर्याउन सकिन्छ। सहभागीहरूले यसलाई “जीवन परिवर्तन गर्ने अनुभव” को रूपमा वर्णन गरे। युवाहरूको उल्लेखनीय सहभागिता यो संकेत हो कि आधुनिक भारतमा पनि आत्म–खोज र गहिरो जीवनप्रतिको जिज्ञासा तीव्र रूपमा बढिरहेको छ।
यो केवल संवाद थिएन, जागरण थियो
कुनै एक धर्मको सीमाभित्र नरही, आचार्य प्रशान्तले वेदान्त, बुद्ध, कबीर र जीवनका विविध अनुभवहरूबाट उदाहरण दिँदै गुरु–शिष्य सम्बन्धको गहिराइलाई उजागर गरे। उनले भने, “जबसम्म शिष्यमा साँचो तिर्खा जाग्दैन, तबसम्म कुनै पनि शरीरधारी गुरुले केही गर्न सक्दैन।”
यस ऐतिहासिक कार्यक्रममा स्पष्ट भएको छ कि आधुनिक भारतको आत्मिक चेतना अब ब्यूँझदैछ र आचार्य प्रशान्त जस्ता विचारशील गुरुहरू यस यात्राका दिशानिर्देशक बन्दै गइरहेका छन्।
