खार्तुम, पुस- २७ ।
पाउरोटी र इन्धनको मूल्यवृद्धिको विरोधमा सुडानमा चर्किएको आन्दोलनमा मृत्यु हुनेको संख्या २२ पुगेको छ ।
सुडानी सरकारले पाउरोटीमा २ सुडानी पाउन्ड र इन्धनमा दोब्बर मूल्यवृद्धि गरेपछि एकाएक आन्दोलन चर्किएको हो । राजधानी खार्तुममा ठूलो संख्यामा भेला भएर नागरिकले प्रदर्शन गरेपछि प्रहरीले कारबाही गर्दा उनीहरुको मृत्यु भएको अन्तराष्ट्रिय संचार माध्यमहरुले बताएको छन ।
जनस्तरमा असर पर्ने गरी मूल्यवृद्धि गरेको भन्दै प्रदर्शनमा उत्रिएकाहरु र सुरक्षाकर्मीबीच ठाउँठाउँमा झडप हुँदा कयौं प्रदर्शनकारी घाइते भएका छन् । प्रदर्शनकारीले राष्ट्रपति ओमार अल बसिरको राजीनामाको माग गर्दै नारावाजी समेत गरेका छन् ।
मूल्य समायोजनको मागसहित प्रदर्शनमा उत्रेका हजारौं प्रदर्शनकारीले सरकारको विरोध गर्दै ठाउँठाउँमा सडक अबरुद्ध गर्नुका साथै सरकारी र सार्वजनिक सवारी साधनमा आगजनीसमेत गरेको त्यहाका संचारमाध्यमले जनाएका छन् ।
(एजेन्सी)
