नेपाली विदेश जाँदा एक वर्षको अवधिमा देशबाट दुई खर्ब २३ अर्ब ७२ करोड रुपैयाँ बाहिरिएको छ । नेपाल राष्ट्र बैंकका अनुसार, गत आर्थिक वर्ष २०८१/८२ मा उक्त रकम नेपालबाट बाहिरिएको हो ।
“समीक्षा वर्षमा सेवा खाता अन्तर्गतको भ्रमण व्यय १८.१ प्रतिशतले वृद्धि भई दुई खर्ब २३ अर्ब ७२ करोड रुपैयाँ पुगेको छ,” राष्ट्र बैंकले आइतबार जारी गरेको विवरणमा भनिएको छ ।
राष्ट्र बैंकका अनुसार, अघिल्लो आर्थिक वर्ष २०८०/८१ मा नेपालीहरू विदेश जाँदा एक खर्ब ८८ अर्ब ४३ करोड रुपैयाँ देशबाट बाहिरिएको थियो ।
गत आर्थिक वर्ष २०८१/८२ मा विदेश पढ्न जाने विद्यार्थीले मात्र देशबाट एक खर्ब ३८ अर्ब ४८ करोड रुपैयाँ लगेका थिए । अघिल्लो आर्थिक वर्ष २०८०/८१ मा एक खर्ब २५ अर्ब १३ करोड रुपैयाँ विदेश पढ्न जाने नेपाली विद्यार्थीसँगै बाहिरिएको थियो ।
लोकप्रिय समाचार
