काठमाडौं, पुस-३० ।
इङ्लिस प्रिमियर लिग फुटबल अन्तर्गत म्यान्चेस्टर युनाईटेडसंग टोटनह्याम हट्सपर पराजित भएको छ ।
गएराति टोटनह्यामको घरेलु मैदानमा भएको खेलमा म्यान्चेस्टर युनाईटेड १–० गोल अन्तरले विजयी भयो ।
युनाइटेडको प्रशिक्षकमा पूर्व खेलाडी ओले गुना सोल्सायर नियुक्त भएपछि युनाइटेडको यो लगातार छैटौं जित हो ।
टोटनह्यामविरुद्ध म्यान्चेस्टर युनाईटेडको जीतमा मार्कस रास्फोर्डले निर्णायक गोल गरे ।
जितसँगै म्यानचेष्टर युनाइटेड ४१ अंक बनाउँदै लिगको पाँचौं स्थानमा उक्लिएको छ भने ४८ अंक बनाएको टोटनह्याम लिग लिडर लिभरपुलभन्दा ९ अंकले पछि पर्दा उपाधि अभियानमा धक्का लागेको छ ।
प्रिमियर लिग अन्तर्गत गएराति नै भएको अर्को खेलमा एभर्टनले बर्नमाउथलाई २–० ले पराजित गर्यो ।
आज राती हुने प्रिमियर लिगको खेलमा शीर्ष स्थानको म्यान्चेस्टर सिटीले वुल्भरह्याम्पटन वान्डरर्ससँग प्रतिस्पर्धा गर्दैछ ।
