एमाले केन्द्रीय सदस्य ऐन महरविरुद्ध जिल्ला अदालत काठमाडौंमा मुद्दा दर्ता भएको छ।
साइबर अपराध अन्तर्गत जिल्ला सरकारी वकिलको कार्यालयले मुद्दा दर्ता गरेको हो। सोमबार मुद्दा अदालत पुगेको थियो।
एक महिलामाथि सामाजिक सञ्जालमार्फत चरित्रहत्या गरेको आरोपमा महरमाथि विद्युतीय कारोबार ऐन २०६३ को दफा ४७ अनुसार कसुरमा मुद्दा दर्ता भएको अदालत स्रोतले जनायो।
अब प्रतिवादी महर अदालतमा हाजिर भएपछि थुनामा पठाउने वा धरौटीमा छाड्ने वा हाजिर जमानीमा राख्ने भन्नेबारे थुनछेक हुनेछ।
साइबर ब्यूरोमा बयान दिन पुगेका उनले केही पनि नभएको भनी लाइभमा बताएका थिए। पत्नीसहित लाइभमा आएका उनले समर्थकलाई आस्वस्त पार्न र अन्यलाई छारो हाल्ने काम गरेको आशंका यस मुद्दा दर्ताबाट पुष्टि हुन्छ।
लोकप्रिय समाचार
