नेपाल आर्थिक पत्रकार समाज (सेजन)को २७औँ साधारणसभाबाट भागवत भट्टराईको अध्यक्षतामा नयाँ कार्यसमिति चयन गरिएको छ । शनिबार (भदौ २१) सम्पन्न निर्वाचनबाट भट्टराईको नेतृत्वमा नयाँ कार्यसमिति चुनिएको हो ।
भट्टराईले ११० मत पाए । उनका प्रतिस्पर्धी विश्वास रेग्मीले ९२ र आशा थपलियाले ४१ मत प्राप्त गरिन् ।
कमल धिताल १८५ मतसहित कार्यसमिति सदस्यमा निर्वाचित भए ।
उपाध्यक्षमा जीवनकुमार बस्नेत निर्विरोध निर्वाचित भए । महासचिवमा कमल बस्नेत १३९ मतसहित विजयी भए । उनका प्रतिस्पर्धी अच्युत पुरीले १०४ मत पाए । सचिवमा शंकर पण्डित निर्विरोध निर्वाचित भए ।
कोषाध्यक्षमा केशु लामिछानेले १३३ मतसहित जित हासिल गरिन् । उनकी प्रतिद्वन्द्वी ममता थापाले १०८ मत पाइन् ।
सदस्यतर्फ धितालबाहेक सीमा तामाङ (२०० मत), राजु बास्कोटा (१५९), भोजराज भण्डारी (१४७) र अर्जुन तामाङ (१४०) विजयी भए । भरतबहादुर रावल (१३१) पराजित भए ।
निर्वाचनमा २४६ मत खसेको थियो । एक मत बदर भएको थियो ।
