सप्तरी, माघ— २ ।
सप्तरीको राजविराजस्थित गजेन्द्रनारायण सिंह अस्पतालमा चिकित्सकको लापरबाहीका कारण बिरामीको मृत्यु भएको भन्दै मृतकका आफन्त तथा स्थानीयले नाराबाजी गरेका छन् ।
छिन्नमस्ता गाउँपालिका–६ निवासी सहदेव सदाको बुधबार बिहान उपचारको क्रममा मृत्यु भएपछि आफन्त तथा स्थानीयले नाराबाजी गर्दै प्रदर्शन गरेका हुन् ।
सामान्य चिसो लागेर अस्पताल भर्ना गरिएका ५५ वर्षीय सदाको चिकित्सकले समयमै उपचार नगरिदिँदा मृत्यु भएको पीडित परिवारले आरोप लगाएको छ ।
मृतकका आफन्त तथा स्थानीयले अस्पतालको मुख्यद्वारमै टायर बालेर प्रदर्शन गरेका थिए भने त्यसक्रममा प्रहरीसित केहीबेर घम्साघम्सी समेत भएको थियो ।
गजेन्द्रनारायण सिंह अस्पतालका निमित्त प्रमुख डा. रञ्जितकुमार झाले सिकिस्त अवस्थामा अस्पताल ल्याइएका सदाको उपचारकैक्रममा मृत्यु भएको दाबी समेत गरेका छन् ।
लोकप्रिय समाचार
