सम्पत्ति शुद्धीकरण अनुसन्धान विभागले नेपाली कांग्रेसका सभापति शेरबहादुर देउवा र पूर्वऊर्जामन्त्री दीपक खड्काको घरमा भेटिएको पैसाबारे अनुसन्धान थालेको छ।
जेनजी आन्दोलनका क्रममा आन्दोलनकारीले दुवै नेताको घरमा तोडफोड र आगजनी गर्दा ठूलो परिमाणमा नगद फेला परेको भिडियोहरू सार्वजनिक भएका थिए। खड्काको घरमा अमेरिकी डलरसहितका नोट उडाइएको देखिएको छ भने केही नोट जलेको अवस्थामा भेटिएका थिए।
देउवाको घरमा पैसा राख्न सुरुङसमेत बनाइएको आरोपसहितका भिडियो सार्वजनिक भएका थिए। तर, देउवा सचिवालयले उक्त दाबी असत्य भएको र देखाइएको संरचना पानी ट्यांकी भएको स्पष्टीकरण दिएको छ।
विभागको टोलीले हालै दुवै नेताको निवासमा पुगेर मुचुल्का तयार गरेको स्रोतले जनाएको छ।
लोकप्रिय समाचार
