धादिङको बेनीघाट रोराङ–१०, जवाङ खोलामा खसेको सुक्खा पहिरोका कारण पृथ्वी राजमार्ग अन्तर्गतको मुग्लिन–काठमाडौं सडकखण्ड दुईतर्फी बन्द भएको छ। गएराति खसेको पहिरो पन्छाएर एकतर्फी यातायात चलाउन थालेपनि बिहान पुनः ठूलो पहिरो खसेपछि सडक पूर्णरूपमा अवरुद्ध भएको जिल्ला प्रहरी कार्यालय धादिङले जनाएको छ।
पहिरो खस्ने क्रम रोकिएको नभएकाले तत्काल सडक सफा गर्ने काम सुरु गर्न नसकिएको र यात्रु तथा सवारी चालकलाई सुरक्षित स्थानमा रहन, लेन अनुशासन पालना गर्दै धैर्य गर्न आग्रह गरिएको छ।
यसअघि गत शुक्रबार मुग्लिन–नारायणगढ खण्डको तुइन खोलामा खसेको पहिरोका कारण ४० घण्टा सडक अवरुद्ध हुँदा यात्रुहरूले ठूलो सास्ती भोग्नुपरेको थियो। दशैंका लागि गाउँ फर्किरहेका यात्रुहरूलाई फेरि कष्टकर यात्रा गर्नुपर्ने अवस्था बनेको छ।
लोकप्रिय समाचार
