सर्वोच्च अदालतले पार्टी विभाजनविरुद्ध जनमत पार्टीका अध्यक्ष सीके राउतको रिटमा अल्पकालीन अन्तरिम आदेश जारी गरेको छ ।
शुक्रबार न्यायाधीश तिलप्रसाद श्रेष्ठको इजलासले राउतको रिटमा प्रारम्भिक सुनुवाइ गर्दै अहिलेसम्म भएका निर्णय यथास्थितिमा राख्न भनेको हो ।
सर्वोच्च अदालतका प्रवक्ता अर्जुनप्रसाद कोइरालाका अनुसार, अन्तरिम आदेश छलफलका लागि दुवै पक्षलाई बोलाउने आदेश भएको छ । इजलासबाट दुवै पक्षलाई डाकेर सुनुवाइका लागि कात्तिक १७ को पेसी तोकिएको छ ।
जनमत पार्टीलाई फुटाएर दीपक साहले जनस्वराज पार्टी निर्वाचन आयोगमा दर्ता गराएका छन् ।
लोकप्रिय समाचार
