सोलुखुम्बुको उच्च हिमाली क्षेत्र लबुचेमा अल्टिच्युड एयरको हेलिकप्टर बुधबार बिहान दुर्घटनामा परेको छ। लबुचे हेलिप्याडमा अवतरण गर्ने क्रममा हेलिकप्टर चिप्लिएर दुर्घटना भएको जिल्ला प्रशासन कार्यालय सोलुखुम्बुले जनाएको छ।
प्रमुख जिल्ला अधिकारी लिलाकुमारी केसी पाण्डेका अनुसार, बिहान ८:१५ बजे भएको उक्त घटनामा हेलिकप्टरका पाइलट विवेक खड्का सकुशल रहेका छन्। हेलिकप्टरमा पाइलटबाहेक अन्य यात्रु नरहेको जिल्ला प्रहरी कार्यालय सोलुखुम्बुका प्रहरी नायब उपरीक्षक मनोजित कुँवरले पुष्टि गरेका छन्।
लुक्ला विमानस्थलका अनुसार, अल्फा माइक सेरा कलसाइन रहेको उक्त हेलिकप्टर अवतरणका क्रममा हेलिप्याडमा चिप्लिएपछि सामान्य क्षति पुगेको हो। प्रहरी र स्थानीय प्रशासनले घटनाको विस्तृत विवरण संकलन गरिरहेको र थप जानकारी केही बेरमै सार्वजनिक गरिने जनाएको छ।
लोकप्रिय समाचार
