माघ-७, काठमाडौं ।
गायिका नेहा कक्कड अहिले बलिउडमा चर्चित रहदै आएकि छिन् । प्रायः आजभोलिका नयाँ फिल्ममा उनको आवाज सुन्न पाइन्छ ।
समकालीन संगीतकारको पहिलो रोजाइमा पर्दै आएकिन नेहाले एउटा गीत गाएबापत लिने पारिश्रमिक निकै चर्काे रहेको छ ।
आफ्नो स्वर मात्र नभएर सुन्दरताका कारण पनि बेलाबेलामा नि्कै चर्चामा आउने गरेकी उनले एउटा गीत गाएबापत १० देखि १५ लाख भारु पारिश्रमिक लिने गरेकी छिन् । महँगो गाडीकी सौखिन नेहासँग आर्डी, रेन्ज रोभरका साथै मार्सिडिज जस्ता महँगा महँगा कार रहेका छन् । नेहाको कुल सम्पत्ति एक सय करोड रहेको बताइन्छ ।
पछिल्लो समय प्रेमीसँगको विछोडका कारण चिन्तित रहेकी नेहा केहीअघि डिप्रेसनको सिकार समेत भएकी थिइन् ।
उनले इन्स्टाग्राममा लेखेकी थिइन्, ‘हो, म डिप्रेसनमा छु । तपाईंहरू सफल हुनुभयो । संसारभरका नकारात्मक मान्छेहरूका कारण यो सब भएको हो । जो मलाई मेरो जीवनको सबैभन्दा दुःखद दिनका लागि सफल भए ।’
नेहा इन्डियन आइडल सिजन २ की प्रतिस्पर्धी हुन् ।
