चर्चित गायिका मेलिना राइ र गायक सौगात जङ्ग थापा को आवाजमा सजिएको डान्सिङ गीत होनी रेशम को म्युजिक भिडियो सार्वजनिक भएको छ।
गीतमा शब्द पुस्प सुनुवार का हुन् भने संगीत स्वयं सौगात जङ्ग थापाकै रहेको छ। गीतलाई विशाल निरौला ले एरेन्ज गरेका हुन् भने मिक्सिङ र मास्टरिङ रञ्जन राई ले गरेका हुन्।
भिडियोमा चर्चित अभिनेता अयुब केसी र नव–नायिका सिर्जना सिंह ठकुरी को आकर्षक नृत्य देख्न सकिन्छ। भिडियोको कोरियोग्राफी सुरेश पाण्डे ले गरेका हुन् भने छायांकन सुमन कार्की ले गरेका हुन्। सम्पादन तथा निर्देशन युवराज खत्री को रहेको छ।
उक्त म्युजिक भिडियो सौगात जङ्ग थापाको युट्युब च्यानलमार्फत् सार्वजनिक गरिएको हो। यसअघि गायक थापाका “तिमी आदत बन्यौ मेरो”, “जुनी जुनी”, “सुनन ए माया”, “यति सारो राम्री” र “जति माया गरे पनि” जस्ता गीतहरू दर्शक–श्रोतामाझ निकै रुचाइएका छन्।
टिपिकल लोक शैलीमा तयार पारिएको नयाँ गीत होनी रेशम पनि दर्शक–श्रोताले उत्तिकै मन पराउनेमा गायक थापा र निर्माण टिम दुवै आशावादी देखिएका छन्।
