Logo
18 Jul 2024    ३ श्रावण २०८१, बिहीबार

ताजा खबर

अत्यावश्यक कामबाहेक बाहिर ननिस्कन बंगलादेशमा रहेका विद्यार्थीलाई आग्रह गृहमन्त्रालयको अध्ययन कार्यदलको टोली घटनास्थल सिमलतालमा अन्तर्राष्ट्रिय सांस्कृतिक महोत्सवमा मिनिल्यान्ड सहभागी राष्ट्रपतिद्वारा तीन विधेयक प्रमाणीकरण महान्यायाधिवक्ता पोखरेलको राजीनामा राष्ट्रपतिद्वारा स्वीकृत उपप्रधानमन्त्री सिंहसँग भारतीय राजदूतको भेटवार्ता

कुवेर गिरी र गौतम सुन्दरादेवी सन्देश म्युजिक अवार्डमा सम्मानित हुदै

admin

काठमाडौं/ सुन्दरादेवी सन्देश म्युजिक अवार्डमा चन्द्रमणि गौतम र कुवेर गिरीलाई सम्मान गरिने भएको छ । तेस्रो सुन्दरादेवी सन्देश म्युजिक अवार्ड २०७४मा लोकसञ्चारकर्मी सम्मान चन्द्रमणि गौतम र रङ्ग पत्रकारिता सम्मान कुवेर गिरीलाई सम्मानित गरिने भएको हो । राजधानीको रातोपुलस्थित रकहाउस क्याफेमा आज एक कार्यक्रमको आयोजनाबीच उत्कृष्ट पाँचलाई मनोनयपत्र वितरण गर्ने कार्यक्रममा उक्त घोषणा गरिएको थियो ।

साउन २७ गते धादिङको ओम शान्ति चलचित्र मन्दिरमा उत्कृष्टबाट सर्वोत्कृष्ट छानिने आयोजक समितिका अध्यक्ष किरण अधिकारीले जानकारी गराए । ‘नुवाकोटबाट प्रकाशित हुँदै आएको सुन्दरादेवी सन्देश प्रत्रिका प्रकाशन गर्दै आएका छौ । मोफसलबाट शुरु गरेको यो प्रतियोगिता अहिले राष्ट्रिय स्तरको गर्न सफल भएका छौ,’ किरणले भने ।
उत्कृष्ट पाँचलाई निर्णायक, अतिथिहरु आरसी कोइराला, दुर्गा रायमाझीलगायतले प्रमाणपत्र वितरण गरेका थिए ।
आधुनिक र लोकदोहारी विधामा हुने उक्त अवार्डमा २१ विद्यामा अवार्ड प्रदान गरिने आयोजक समितिका सदस्य सचिव मनोज थापाले बताए । अवार्डको निर्णायकमा संयोजक वरिष्ठ रङ्ग पत्रकार तथा गीतकार शान्तिप्रिय, सङ्गीतकार सन्तोष श्रेष्ठ र राष्ट्रिय लोकदोहारी गीत प्रतिष्ठानका पूर्व अध्यक्ष तथा सर्जक चन्द्र शर्मा रहेका छन् । कार्यक्रमको व्यवस्थापन रेस्पोन्सिभ मिडिया प्रा. लि.काठमाडौंले गर्ने भएको छ ।


लोकप्रिय समाचार
ताजा समाचार
धेरै पढिएको