काठमाडौं — १५, माघ ।
बलिउड फिल्म ईण्डस्ट्रीमा भर्खरै डेब्यू गरेकी सैफ अली खानकी छोरी सारा अली खानले करिना कपुरको सम्बन्धमा कडा बयान दिएकी छिन् ।
साराले करिना आफ्नी आमा नभएको बताउदै भनिन् ‘उनी मेरा पिताकी पत्नी मात्र हुन् मेरी आमा होइनन् ।’ सारा सैफकी पूर्वपत्नी अमृताकी छोरी हुन् । साराले यी कुरा एक अन्तरवार्ताको क्रममा भनेकी हुन् । साराको यो अन्तरवार्ता अहिले सामाजिक संजालमा निकै नै भाइरल भइरहेको छ ।
साराले फिल्मफेयरलाई दिएको यो अन्तरवार्तामा उनी निकै आत्मविश्वासी देखिएकी थिईन् । साराले आफूले करिनाको वार्डरोबबाट सबै चीज लिन चाहेको समेत बताइन् । साराले आफूलाई करिनाको कलेक्सन निकै मन पर्ने बताउँदै विशेष गरी करिनाका जुत्ता निकै नै मन पर्ने बताइन् । आफूले पाएमा करिनाका भएजति सबै जुत्ता लिने समेत बताईन ।
आफू करिनाको निकै ठूलो फ्यान भएको बताउदै साराले भनिन् ‘मानिसहरु भन्छन् ‘तिमीले करिनालाई मनदेखि माग्यौ त्यसैले उनी मेरी सौतेनी आमा बनिन् ।’
साराले आफू र करिना रामे साथी भएको बताइन् । ‘उनी कहिल्यै मेरी आमा बन्न आइनन्’ साराले भनिन् ‘उनी केवल मेरा पिताकी पत्नी हुन् ।’ साराले आफू कसैसंग प्रेममा नभएको र अहिलेसम्म प्रेममा विछोड नभएको समेत बताइन् ।
