Logo
21 Feb 2024    ९ फाल्गुन २०८०, बुधबार

ताजा खबर

क्यानडा–११ माथि नेपाल ए २ विकेटले विजयी सूर्यदर्शन सहकारी ठगी : रवि लामिछानेमाथि अनुसन्धान अघि बढाइयो गायक सौगात र गायिका सुरक्षाको स्वरमा ‘तिम्रो मिठो मुस्कान’ सार्वजनिक(भिडियो) सिटी पे र एप्क्यानबीच व्यवसायीक सहकार्य गर्ने सम्झौता एक किलो सुनसहित विमानस्थलबाट एक जना पक्राउ विष्णुमति नदी आसपासमा अवैध रुपमा निर्माण गरिएका संरचना हटाउन सुरु

भ्यालेन्टाइन डे को रमझम सुरुः डेढ करोडको गुलाफ आयात भयो

admin

rose

काठमाडौं— २८, माघ ।

गुलाफलाई जिन्दगी, सुन्दरता र प्रेमको प्रतिक ठानिन्छ । जीवनको दर्शन हो गुलाव । पूर्वीय दर्शनमा प्रेम र प्रणय दिवसको सम्झना गर्नु परेमा श्रीकृष्ण र राधाको प्रेमलिला तथा त्यागलाई सम्झने गरिन्छ ।

तर पाश्चात्य दर्शनमा आधारित प्रणय दिवस अर्थात ‘भ्यालेन्टाइन डे’ मा प्रेमी–प्रेमिकाहरुले रातो गुलाब दिएर आफ्नो प्रेम प्रकट गर्दछन् । प्रत्येक वर्ष माग बढ्दै जाँदा विदेशवाट करोडौं रुपैंयाँ बराबरको गुलाफ आयात हुन थालेको छ ।

गुलावका फरक–फरक रंगले प्रेमका फरक–फरक आयामलाई दर्शाउँछ । रातो गुलाफ मायालुलाई प्रेम गर्छु भन्ने जनाउन, गुलाबी गुलाब रिसाएका प्रेमीलाई फकाउन, पँहेलो गुलाफ मित्रता, सेतो गुलाफ समवेदना जनाउन प्रयोग गरिन्छ ।

कवि रोबर्ट बर्नसले प्रेमिकालाई अंग्रेजी वर्षको जून महिनामा फुल्ने गुलाफसँग तुलना गरेका छन् । उनले लेखेका छन्–‘मेरी प्रेमिका जून महिनामा फुल्ने ताजा रातो गुलाफ जस्तै छिन् ।

कवियत्री क्रिस्टिना रोजेटीले ‘जब म मर्छु मेरो प्रियतम’ शिर्षकको कवितामा गुलाबलाई यसरी विम्बको रुपमा प्रयोग गरेकी छिन् ।– ‘जब म मर्छु मेरो प्रियतम, मेरो चिहानमा गुलाफका बोटहरु नरोप, ती रक्तिम थुँगाहरुले मेरो सम्झना दिलाउनेछन् र तिमी प्रेमले व्याकुल हुनेछौ ।

प्रणय दिवस अर्थात भ्यालेन्टाइन डे नजिकिँदै छ । फेब्रुअरी १४ तारिखमा मनाइने भ्यालेन्टाइन डे पश्चिमा संस्कृती हो । पूर्वीय दर्शनमा श्रीकृष्ण र राधाको प्रेमलाई उदाहरणका रुपमा लिने गरिन्छ ।

तर पछिल्लो केही दशकयता भ्यालनटाइन डे नेपाली युवापुस्ताले उत्साहका साथ मनाउन थालेका छन् । यस दिन प्रेमीप्रेमीकाहरुले सबैभन्दा बढी साटासाट गर्ने उपहार रातो गुलाब नै हो ।

यतिबेला रातो गुलाबको माग अत्याधिक हुने भएपछि नेपालको उत्पादनले नधानेर विभिन्न देशहरुबाट आयात हुने गरेको छ ।

यसको माग हरेक बर्ष बढ्दो छ । प्रणय दिवसको अवसर पारेर यस वर्ष फ्लोरिकल्चर एसोसियशन नेपालले १ करोड ५० लाख रुपैंया बराबरको १ लाख ६० हजार स्टिम रातो गुलाब आयात गरेको छ ।

अघिल्लो वर्ष रातो गुलाब प्रति स्टिम ४० देखि ८० रुपैंयामा कारोबार भएको थियो भने यस वर्ष मुल्य वृद्धि भई ५० देखि १०० रुपैंयाँ हाराहारीमा कारोबार हुने फ्लोरिकल्चर एशोसिएसनले जनाएको छ ।

आयात गरिएका मध्ये सबैभन्दा बढी काठमाडौँ उपत्यकामा ६० प्रतिशत खपत हुने गरेको छ ।

फुलको बढ्दो आयात कम गर्न बैङ्क तथा वितिय संस्थाहरुले कम व्याजदरमा रकम उपलब्ध गराउनुपर्ने अध्यक्ष श्रेष्ठको तर्क छ ।

नेपालमा व्यवसायिक रुपमा फूल खेती गरिँदै आएपनि हरेक वर्ष १० देखि १५ प्रतिशतले माग बढिरहेको छ । स्वदेशी उत्पादनलाई नबढाउने हो फूलमा पनि आत्मनिर्भर गाह्रो हुने देखिन्छ ।

(ईमेज खबर)


लोकप्रिय समाचार
ताजा समाचार
धेरै पढिएको