नमस्ते अल ईन्टरनेशनलको ब्राण्ड एम्वेशडरमा श्रीदेव भट्टराई नियुक्त भएका छन् । नायक श्रीदेव भट्टराईलाई नमस्ते अल ईन्टरनेशनलले आफ्नो उत्पादनको प्रमोसनको लागि ब्राण्ड एम्वेशडरको रुपममा दुई वर्षको लागि नियुक्त गरेको हो ।
कम्पनीका अध्यक्ष शिसिर आले एवम् उपाध्यक्ष अमिर न्यौपानेले एक कार्यक्रमको आयोजना गरि भट्टराईलाई ब्राण्ड एम्वेशडरमा नियुक्त गरेका हुन् । भट्टराईले ब्राण्ड एम्बेशडर भए बाफत वार्षिक रु पाँच लाख पारिश्रमीक समेत पाउनेछन् ।
भट्टराईले यस अवधिमा एक दर्जनको हाराहारीमा चलचित्र, म्युजिक भिडियोका साथै विभिन्न् व्यवसायीक कम्पनीका विज्ञापनहरुमा समेत अभिनय तथा मोडलिङ गरिसकेका छन् ।
भट्टराईले नमस्ते अल ईन्टरनेशनलले आफुलाई ब्राण्ड एम्बेशडरमा नियुक्त गरेकोमा खुशी व्यक्त गरेका छन् । उनले आफुले पाउने पारिश्रमीक वापतको केही रकम समाज सेवाको क्षेत्रमा लगाउने बताए ।
