काठमाडौं— ,फागुन १२।
नेपाली कांग्रेस केन्द्रीय समिति बैठक आज पनि बस्दै छ ।
पार्टी कार्यालय सानेपामा बिहान ११ बजेपछि बस्ने बैठकमा विधानका विषयमा सहमति जुटाउन प्रयास गरिने बताइएको छ । महासमिति बैठकले अनुमोदन गरेको विधान केन्द्रीय समितिले पारित गर्न नसक्दा कांग्रेसमा किचलो हुँदै आएको छ ।
विधानमा सहमति जुटाउन यसअघि बिहीबार बोलाइएको बैठक नेताहरुबीच सहमति जुट्न नसकेपछि बैठक नै बस्दै नबसी स्थगित गरिएको थियो । शीर्ष नेताहरुले आफ्नो स्वार्थअनुसारका विषय विधानमा समावेश गर्ने तयारी गरेकाले सहमति जुट्न नसकेको हो ।
यस्तै बैठकमा नेपाल विद्यार्थी संघको तदर्थ समिति गठनका विषयमा समेत छलफल हुने बताइएको छ । नेविसंघ विघटन भएपछि महाधिवेशनका लागि तदर्थ समिति गठन गर्नुपर्ने भए पनि पार्टीभित्र ३२ वर्षे उमेर हदका विषयमा सहमति जुट्न सकेको छैन ।
(ईमेज खबर)
लोकप्रिय समाचार
