देशभरबाट बाल विवाह एवम् दाइजो विरुद्धका २४ जना योद्धाहरुलाई काठमाडौंमा आज सम्मान गरिएको छ । बाल विवाह एवम् दाइजो उन्मूलन राष्ट्रिय अभियान, नेपालले काठमाडौंमा एक कार्यक्रम आयोजना गरेर बाल विवाह एवम् दाइजो विरुद्धका योद्धाहरुलाई सम्मान गरेको छ ।
नयां बानेश्वरको इन्द्रेणी कम्पलेक्समा विभिन्न क्षेत्रका ३०० भन्दा बढी व्यक्तिहरुको सहभागितामा आयोजित उक्त कार्यक्रमको अध्यक्षता प्रधानमन्त्री तथा मन्त्री परिषदको कार्यालय, नेपाल सरकारको सचिव केदार बहादुर अधिकारीले गर्नु भएको थियो । त्यस्तै कार्यक्रमको प्रमुख अतिथीको रुपमा माननीय रन्जू झा ठाकुर, सभापति, महिला बालबालिका, जेष्ठ नागरिक र समाज कल्याण समिती, व्यवस्थापकिा संसद, नेपाल हुनु हुन्थयो । त्यस्तै, श्री खग राज बराल, सचिव, महिला, बालबालिका तथा समाज कल्याण मन्त्रालय, नेपाल सरकारले यस कार्यक्रमको विषेश आतिथ्य गर्नु भएको थियो ।
सम्मान कार्यक्रममा यस राष्ट्रिय अभियानको सद्भावना दुतहरु नयिका श्वेता खड्का तथा डा. सि के सिंहले आफनो आफनो धारण राख्नु भएको थियो । यस सम्मान कार्यक्रमको आयोजन समितीको संयोजक वीर बहादुर महतोले धन्यवाद ज्ञापन गर्नु भएको थियो ।
