काठमाडौं / “फ्रेण्डसिप डे”को अवसर पारेर नौ जना गायक गायिकाको स्वर भएको “साथी सधै” लोर्कापण भएको छ । शुक्रबार त्रिभुवन विश्वविद्यालय ललितकला केन्द्रिय विभागको हलमा प्रमुख अतिथि नेपाल संगीत तथा नाट्य प्रज्ञा प्रतिष्ठानका उपकुलपति तथा वरिष्ठ संगीतकार शम्भुजित बास्कोटा र विशिष्ठ अतिथि मानविकि तथा सामाजिक शास्त्र संकायका डिन प्रा.डा. शिवलाल भुसाल लगायत अतिथिले एल्वमको लोकार्पण गरेका छन् ।
त्रि.वि.ललितकला केन्द्रिय विभागबाट स्नातकोत्तर गरेका तथा गरिरहेको चर्चित गायक÷गायिकाहरुको स्वर रहेको यस एल्वम लोर्कापण कार्यक्रमको सभापति विभागका विभागिय प्रमुख तथा वरिष्ठ सितार वादिका ज्ञानुराधा गोर्खालीले गरेका थिए । विमोचित एल्वम “साथी सधै” मा नौ वटा गीतहरु संग्रहित छन् । जस मध्ये छ वटा गीतको संगीत चर्चित संगीतकार सुरेन्द्र श्रेष्ठले गरेका छन् भने बाँकि तीन वटा गीत प्रकाश गुरुङ, जितेन्द्र चौधरी र भुपु पाण्डे गायक आफैले संगीत गरेका छन् । यस एल्वमको शिर्ष गीत साथी सधै.. एल्वममा आवद्ध सम्पूर्ण गायक÷गायीका साथै संगीतकार सुरेन्द्र श्रेष्ठले स्वर दिएका छन् । साथी सधैका संगीतकार सुरेन्द्र श्रेष्ठ हुन् भने यसका गीतकार शंकर ज्वाला रहेका छन् । एल्वमको दोस्रो गीत यो मधुर प्रितको कुरा…..मा चर्चित गायिका बेनुका राईले स्वर दिएकी छिन् । यसका संगीतकार सुरेन्द्र श्रेष्ठ हुन् भने गीतकार रोशन अनुराग राई हुन् । एल्वमको तेस्रो गीत छल्किएर बग्ने आँशु…मा चर्चित गायक भुपु पाण्डेको स्वर रहेको छ । यसका संगीतकार गायक आफै हुन् भने गीतकार शर्मिला गिरी हुन् । एल्वमको चौथो गीत कस्तो त्यो लोभि नजर….मा चर्चित गायिका उर्मिला गुरुङले स्वर दिएकी छिन् । यसका संगीतकार तथा गीतकार सुरेन्द्र श्रेष्ठ हुन् । एल्वमको पाँचौ गीत कसरी हास्न…मा चर्चित गायक प्रकाश गुरुङको स्वर रहेको छ । यसका संगीतकार र गीतकार पनि स्वयं गायक नै रहेका छन् । एल्वमको छैठौ गीत सम्हाल्न खोज्छु ….मा चर्चित गायिका रुपकमल क्षेत्रीले स्वर दिएकी छिन् । रुपकमल क्षेत्री पद्मकन्या क्याम्पसमा संगीत विषयमा नै अध्यापन गराउदै आएका छन् । यसका संगीतकार सुरेन्द्र श्रेष्ठ हुन् भने गीतकार रोशन अनुराग राई हुन् । एल्वमको सातौं गीत झरेर गैगो…. मा चर्चित गायक गोकुल लेछर्बो लिम्बूको स्वर रहेको छ । संगीतकार सुरेन्द्र श्रेष्ठ हुन् भने गीतकार भागिरथ दहाल हुन् । गोकुल लेछर्बो लिम्बूले संगीत विषयमा नै त्रिभुवन विश्वविद्यालयबाट विद्यावारिधि समेत गरिरहेका छन् । लिम्बू ललितकला केन्द्रिय विभागमा संगीत विषय अध्यापन गराउँदै आएका छन् । एल्वमको आठौं गीत देखेर नि …. मा चर्चित गायिका गंगा लामाले स्वर दिएकी छिन् । यसका संगीतकार सुरेन्द्र श्रेष्ठ हुन् भने गीतकार अन्जु श्रेष्ठ हुन् । एल्वमको नवौं गीत नलुकाइ मनका कुरा.. मा चर्चित गायक जितेन्द्र चौधरीले दिएका छन् । यसका संगीतकार गायक आफैले हुन् भने गीतकार विष्णु बहादुर सिंह हुन् । एल्वममा सुरेन्द्र श्रेष्ठ, नरेन्द्र वियोगी, दिपेश सिंह, रुपमसिंह गुरुङको संगीत संयोजन रहेको छ । विमोचित एल्वमको बजार व्यावस्थापन सुर मेलोडी रेकर्डिङ स्टुडियोले गरेको छ । यस कार्यक्रमको संयोजन ललितकला डवलिले गरेको थियो । एल्वमको शिर्ष गीत “साथी सधै” को म्यूजिक भिडियो सार्वजनिक गरेको छ । उक्त भिडियोको निर्देशन अम्रित सुनुवारले गरेका छन् । भिडियो सम्पादन विकाश धमालले गरेका छन् भने छायाँङ्कन अभय बज्रचार्यले गरेका छन् । एल्वममा आवद्ध सम्पूर्ण गायक गायिकाले स्वर दिएका छन् । संगीतकार सुरेन्द्र श्रेष्ठ हुन् भने यसका गीतकार संकर ज्वाला हुन् । साथी सधै एल्बमको गायक गायिका त्रिभुवन विश्वविद्यालय ललितकला केन्द्रिय विभागकै उत्पादन भएकोले सिडि विक्रिबाट प्राप्त आम्दामिको ६० प्रतिशत गुरु दक्षिणा स्वरुप ललितकला केन्द्रिय विभागलाई प्रदान गर्ने भएको छ ।
