काठमाडौँ — फागुन २६।
स्पेनिस लिग फुटबल अन्तर्गत बार्सिलोनाले रायो भायकानोलाई पराजित गरेको छ । गएराति आफ्नै मैदानमा भएको खेलमा भायकानो विरुद्द बार्सिलोना ३–१ ले विजयी भयो ।
बार्साका लागि जेरार्ड पिके, लियोनल मेस्सी र लुईस सुवारेजले एक–एक गोल गरे ।
ला लिगा फुटबलकै अर्को खेलमा एथ्लेटिको मड्रिडले लेगानेजलाई १–० ले पराजित गर्दा गेटाफेले हुएस्कामथि २–१ को जित निकाल्यो ।
गएराति डेपोर्टिभो आलाभेज र आईबारले १–१ गोलको बराबरी खेलेका छन् ।
ला लिगा फुटबलमा आज राति रियाल मड्रिडले रियाल भालाडोलिडसँग खेल्नेछ ।
गएरातिका खेलपछि स्पेनिस लिग फुटबलमा २७ खेलबाट ६३ अंक जोडेको बार्सिलोना शीर्ष स्थानमा छ ।
समान खेलबाट ५६ अंक जोडेको एथ्लेटिको मड्रिड दोस्रो स्थानमा रहँदा एक खेल कम खेलेको रियाल मड्रिड ४८ अंकको साथ तेस्रो स्थानमा रहेको छ ।
लोकप्रिय समाचार
