Logo
16 Jul 2024    १ श्रावण २०८१, मंगलवार

ताजा खबर

भारतीय प्रधानमन्त्री मोदीले दिए प्रधानमन्त्री ओलीलाई बधाई बाणिज्य बैंकहरुले घटाए साउनका लागि ब्याजदर प्रधानमन्त्री ओली सहित २१ मन्त्रिले लिए सपथ ओलीलाई प्रधानमन्त्री नियुक्त गर्नु असंवैधानिक भएको दाबी गर्दै सर्वोच्चमा रिट कोपा अमेरिकाको उपाधि अर्जेन्टिनालाई इङ्ग्ल्यान्डलाई २-१ गोलले हराउँदै स्पेनले जित्यो युरो कपको उपाधि

सिके राउतसँग गरिएको सम्झौता विवादित रहेको सत्तारुढ दलका नेता भीम रावलको दाबी, स्पष्ट पार्न सरकारसँग माग

admin

bhim rawal

काठमाडौँ — फागुन २६।

सत्तारुढ दलका नेता भीम रावलले सरकार र सिके राउतबीच भएको सम्झौताको केही शब्दबारे स्पष्ट गराउन माग गरेका छन् ।

आइतबारको प्रतिनिधि सभाको बैठकमा बोल्दै नेता रावलले राउतसँगभएका ११ बुँदे सहमतिका केही शब्दहरु विवादित रहेको भन्दै यसबारे स्पष्ट पार्न सरकारसँग माग गरेका हुन् ।

राष्टिय अखण्डता, सार्वभौम सत्ताको विषयमा संविधान अनुसार ‘जनमतसंग्रह’को कल्पना पनि गर्न नमिल्ने बताए । उनले भने ‘जनअभिमत भन्ने शब्दलाई जनमतसंग्रह भनेर सिके राउत पक्षले बोलि राखेछन् । यसबारे सरकारले जनताले बुझ्ने गरी स्पष्ट गराउनु पर्यो ।’ मधेश टुक्राउने विषयमा विगतमा विभिन्न अभिव्यक्ति दिँदै आएका सिके राउतले त्यो अभिव्यक्ति सार्वजनिक रुपमा किन फिर्ता लिएनन् भन्दै उनले प्रश्न उठाए ।

त्यस्तै नेपाली कांग्रेसका नेता मिनेन्द्र रिजाल, गगन थापाले पनि पृथकतावादी गतिविधिमा लागेका राउत समूहलाई मूलधारमा ल्याउनु सकारात्मक रहेको बताए । तर केही विषयमा भने सरकारले स्पष्ट पार्नुपर्ने माग गरे ।

सत्तारुढ नेकपाका नेता महेश बस्नेतले भने केपी ओलीको यो कदम ऐतिहासिक रहेको भन्दै यसले ओलीलाई राजनेताको रुपमा स्थापित गर्ने दावी गरे । जनअभिमत भन्ने शब्द कुनै पनि रुपमा जनमतसंग्रह हुन नसक्ने पनि बस्नेतले बताए । सरकारलाई असफल पार्न केहीले गलत व्याख्या गरको उनले दावी गरे ।

(नयाँ पत्रिका)


लोकप्रिय समाचार
ताजा समाचार
धेरै पढिएको