काठमाडौं । तीजको मौसमले गाँजेको छ यतिबेला । नयाँ नयाँ तीजका भाका बज्न थालेका छन् । गीत रेकर्ड गर्न गायक गायिकाहरुलाई मात्र होइन मोडलहरुको पनि उस्तै ब्यस्तता छ ।
मोडलहरुलाई सुटिङ समय व्यवस्थापन गर्नै हम्मे परिरहेको छ । चल्तीमा मोडल नयन डिसीले मात्र यसपटकको तीजमा दर्जन बढी गीतमा आफ्नो नृत्य प्रश्तुत गरिसकेका छन् ।
भर्खरै रेकर्ड भएर सुटिङ भएको अर्पणराज गिरी र शोभा गुरुङको स्वर सजिएको ‘दिदी बहिनी हो’ बोलको गीतले युट्युबमा चर्चा कमाइरहेको छ । गीतमा नयन डिसी र विनीतालगायतका कलाकारहरुले रमाइलो नृत्य प्रश्तुत गरेका छन् ।
अर्पणराजको शब्द रहेको गीतमा बर्षदिनमा आएको तीजमा धितमरुन्जेल नाचेर रमाइलो गर्न प्रेरित गरेको छ । भुवन स्वाङवो तामाङको निर्देशनमा बनेको भिडियोलाई ज्ञानेन्द्र शर्माले खिचेका छन भने माधव वेलबासेले सम्पादन गरेका छन् ।
लोकप्रिय समाचार
