Logo
04 Mar 2024    २१ फाल्गुन २०८०, सोमबार

ताजा खबर

प्रतिनिधिसभा बैठक बस्दै काठमाडौंमा फागुन २४ देखि २८ गतेसम्म चेम्बर एक्स्पो २०२४ आयोजना काठमाडौं महानगरकै क्यान्टिनमा बासी खाना, तिराइयो ५० हजार जरिवाना निताको स्वरमा ‘चुप चाप’ (भिडियो) नेपाल स्काउटको अन्तराष्ट्रिय आयुक्तमा देवराज घिमिरे दोश्रो राष्ट्रिय बाल नाटक मेला सुरु

भारतमा चुनावअघि भूउपग्रहको राजनीति, अन्तरिक्ष महाशक्ति राष्ट्रको पंक्तिमा उभिन सफल भएको मोदीको दाबी

admin

indian satellite

नयाँदिल्ली — चैत्र १४ ।

भारतले पृथ्वीबाटै अन्तरिक्षमा रहेको सानो उपग्रह नष्ट गर्न सफल भएको दाबी गरेको छ । भारत अन्तरिक्ष विज्ञानमा यस किसिमको उपलब्धि हासिल गर्ने चौथो राष्ट्र हो । यसअघि अमेरिका, रूस र चीनले यस्तो सफलता हासिल गरिसकेका छन् ।

यसलाई भारतले ऐतिहासिक उपलब्धिका रूपमा अर्थ्याएको छ । बुधबार राष्ट्रका नाममा सम्बोधन गर्दै प्रधानमन्त्री नरेन्द्र मोदीले अन्तरिक्षको उपग्रह सफलतापूर्वक नष्ट गरेर अमेरिका, रूस र चीनसँगै भारत अन्तरिक्ष महाशक्तिको पंक्तिमा उभिन सफल भएको दाबी गरेका छन् ।

‘हर राष्ट्रको विकास यात्रामा यस्ता क्षण आउँछन्, जुन उसका लागि अन्यन्त गौरव गर्ने र आउने पुस्तालाई पनि प्रभाव पार्ने खालको हुन्छ । आज त्यस्तै भएको हो,’ उनले सम्बोधनमा भने । मोदीले यो अभियानलाई सफलतापूर्वक सम्पन्न गर्ने भारतीय अन्तरिक्ष अनुसन्धान संस्था (इस्रो) का वैज्ञानिकहरूलाई बोलाएर बधाई पनिदिएका छन् ।

शुक्रबार खसालिएको सानो उपग्रहलाई इस्रोले गत जनवरीमा लन्च गरेको बताइएको छ । ‘मिसन शक्ति अप्रेसन’ अन्तर्गत भारतको एन्टी सेटेलाइट क्षेप्यास्त्र (ए–सेट) ले तीन मिनेट लगाएर प्रयोगमै रहेको उपग्रहलाई नष्टपारेको थियो ।

सन् २०१० मै रक्षा अनुसन्धान तथा विकास संगठन (डीआरडीओ) ले शत्रु राष्ट्रको उपग्रह खसाल्ने हतियारको विकास गरिरहेको जानकारी दिएको भारतीय सञ्चारमाध्यमहरूले बताएका छन् । त्यसैलाई आधार बनाएर विपक्षी भारतीय राष्ट्रिय कंग्रेसका अध्यक्ष राहुल गान्धीले मिसन शक्तिका लागि प्रधानमन्त्री मोदीलाई बधाई नदिएर डीआरडीओलाई भने बधाई दिएका छन् । उनले उल्टो मोदीलाई विश्व थिएटर दिवसको शुभकामना दिएका छन् ।

तर, भारतीय प्रधानमन्क्री मोदीले मिसन शत्ति अभियान कुनै मुलुकविरुद्ध नभएर आफ्नो देशको रक्षात्मक क्षमता विकासको पहल मात्र भएको बताएका छन् । यो परीक्षणले कुनै पनि अन्तर्राष्ट्रिय कानुन वा सन्धिको उल्लंघन नभएको समेत जिकिर गरेका छन् ।

मोदीको घोषणालाई लिएर निर्वाचन आचारसंहिता उल्लंघन भए वा नभएको बहससमेत भएको छ । लोकसभा चुनाव आउन दुई साता मात्र बाँकी रहेको अवस्थामा प्रधानमन्त्री मोदीले गरेको घोषणालाई लिएर भारतको निर्वाचन आयोगले चासो व्यक्त गरेको छ ।

भारतीय सञ्चारमाध्यमहरूका अनुसार मोदीले बुधबार गरेको सम्बोधनलाई विगतमा प्रधानमन्त्रीबाट भएका सम्बन्धसँग तुलना गर्दै आवश्यक कदम चाल्नका लागि आयोगले आन्तरिक छलफल सुरु गरेको बताएका छन् । भारतमा १७ औं लोकसभा चुनाव आगामी ११ अप्रिलदेखि हुँदै छ । सात चरणमा हुने चुनाव १९ मे सम्पन्न हुने र २३ मेमा मतगणना हुनेछ ।

(कान्तिपुर दैनिक)


लोकप्रिय समाचार
ताजा समाचार
धेरै पढिएको