Logo
21 Feb 2024    ९ फाल्गुन २०८०, बुधबार

ताजा खबर

क्यानडा–११ माथि नेपाल ए २ विकेटले विजयी सूर्यदर्शन सहकारी ठगी : रवि लामिछानेमाथि अनुसन्धान अघि बढाइयो गायक सौगात र गायिका सुरक्षाको स्वरमा ‘तिम्रो मिठो मुस्कान’ सार्वजनिक(भिडियो) सिटी पे र एप्क्यानबीच व्यवसायीक सहकार्य गर्ने सम्झौता एक किलो सुनसहित विमानस्थलबाट एक जना पक्राउ विष्णुमति नदी आसपासमा अवैध रुपमा निर्माण गरिएका संरचना हटाउन सुरु

सरकारविरुद्ध झुटको शृंखला चलेको भन्दै प्रधानमन्त्री दुःखी

admin

Pm kp-oli

काठमाडौँ — चैत्र २० ।

प्रधानमन्त्री केपी शर्मा ओलीले आफ्नो सरकारविरुद्ध झुटो प्रचारको शृंखला नै चलेको भन्दै दुःख व्यक्त गरेका छन् ।

समाजवाद र अझै बढी लोकतन्त्रको बाटोमा लम्केको सरकारलाई अधिनायकवादतर्फ हिँड्यो भन्दै प्रचार थालिएको उनको भनाइ थियो ।

योजनाकार र बुद्धिजीवीलाई आग्रह

बुधबारबाट काठमाडौंमा सुरु भएको राष्ट्रिय विकास परिषद्को बैठकलाई सम्बोधन गर्दै प्रधानमन्त्री ओलीले वर्तमान सरकार गफ गर्न नभइ काम गर्नका लागि बनेको जिकिर पनि गरे ।

पाँच वर्षभित्र मुलुकबाट भोकमरी अन्त्य गर्नेगरी योजना बनाउन उनले योजनाकार र बुद्धिजीवीहरुलाई आग्रह पनि गरे ।

निर्यात बढाउने योजना

समतामूलक समाज निर्माण गर्न तीव्रगतिले सरकार लागेकाले अधिनायकवादको नाराले कोही नअल्झने उनको भनाइ थियो ।

सरकार गरिबी न्यूनीकरण गर्ने दिशामा जुटेको भन्दै उनले १५औं आवधिक योजनाको अन्त्यसम्ममा देशबाट निरक्षरता पूर्णरुपमा उन्मूलन गरिने दाबी पनि गरे ।

निरक्षरता उन्मूलन गर्ने, स्वच्छ खाद्यवस्तु उत्पादन गर्ने, ठूलो मात्रामा वस्तु उत्पादन गरेर निर्यात बढाउने सरकारको योजना रहेको पनि प्रधानमन्त्री ओलीको भनाइ थियो ।

प्राविधिक र जीवनोपयोगी शिक्षा प्राथमिकतामा

सरकारले पुँजी र प्रविधिमा आधारित विकास गर्ने भन्दै उनले यान्त्रिकीकरणको विकासमा पनि जोड दिने बताए ।

सीप विकास र व्यावसायिक शिक्षामा जोड दिने सरकारी नीति रहेको भन्दै उनले प्राविधिक र जीवनोपयोगी शिक्षा प्राथमिकतामा रहेको पनि बताए ।

विकास परिषद बैठकमा २५ वर्षीय दीर्घकालीन सोचसहितको १५औं योजनाको आधारपत्रको मस्यौदा पेस गरिएको छ । बैठक बिहीबार सकिनेछ ।

(ईमेज खबर)


लोकप्रिय समाचार
ताजा समाचार
धेरै पढिएको