Logo
28 Feb 2024    १६ फाल्गुन २०८०, बुधबार

ताजा खबर

६२० किलो गाँजा बरामद काठमाडौंका यी स्थानमा आजदेखि २२ गतेसम्म विद्युत् सेवा अवरुद्ध हुने लेबनानलाई हराउँदै नेपाल वाफ च्याम्पियनसिपको फाइनलमा सरकारसमक्ष मिटरब्याज पीडितको ६ बुँदे माग प्रस्तुत प्रभु बैंकका डेपुटी सीईओ मनोज न्यौपाने पक्राउ नेशनल मेडिकल कलेजद्वारा आयोजित निःशुल्क स्वास्थ्य शिविरबाट २१ सय बढी बिरामी लाभान्वित

माथिल्लो तामाकोसी जलविद्युत् आयोजनाको २% काम बाँकी

admin

Mthillo tamakoshi

दोलखा — चैत्र २२ ।

माथिल्लो तामाकोसी जलविद्युत् आयोजनाका लागि अपुग ७ अर्ब ७० करोड रुपैयाँ सुरुका लगानीकर्ताहरूले नै थप्ने इच्छा देखाएका छन्  । दोलखाको लामाबगरमा सञ्चालित राष्ट्रिय गौरवको उक्त आयोजनाका लागि पुरानो भुक्तानी र दुई प्रतिशत कामका लागि थप त्यति रकम आवश्यक देखिएको छ  ।

त्यति रकमका लागि सुरुका लागानीकर्ताहरूबाटै व्यवस्था हुने माथिल्लो तामाकोसी हाइड्रो पावर कम्पनीका प्रमुख कार्यकारी अधिकृत विज्ञानप्रसाद श्रेष्ठले बताए ।

राष्ट्रिय गौरवको उक्त आयोजनाले सन् २०२० को नयाँ वर्ष लाग्नेबित्तिकै व्यावसायिक उत्पादन गर्न थाल्ने कार्यसूची छ । यही फागुन महिनामा सार्वजनिक प्रतिवदेनअनुसार आयोजनाको कुल ९८ प्रतिशत कार्य सम्पन्न भइसकेको छ । सुरुको प्रक्षेपणको तुलनामा लागत बढदै गएपछि आयोजनालाई अघि बढाउन रकम अभाव हुँदै गएको हो । असारमा धान लगाउनेले नै मंसिरमा बाली उठाउन खर्च व्यवस्था गर्ने उदाहरण दिँदै प्रमुख कार्यकारी अधिकृत श्रेष्ठले आवश्यक पर्ने थप रकम पनि पहिलेका लगानीकर्ताले नै व्यवस्था गर्न छलफल भएको बताए । अग्रेजीको नयाँ वर्षबाट एउटा टर्बाइनबाट भए पनि विद्युत् उत्पादन भई आम्दानी हुन थाल्ने उनले दाबी गरे ।

२०६५ सालमा आयोजनको सुरुको लागत ३५ अर्ब २९ करोड थियो । २०७४ पुस महिनामा गरिएको संशोधित लागत अनुमान ४९ अर्ब २९ करोड गरिएको छ । त्यतिखेर प्रति १ अमेरिकी डलरको नेपाली रुपैयाँ ८० बराबर विनिमिय दर कायम थियो । अमेरिकी डलरको तुलनामा नेपाली मुद्राको अवमूल्यनले मात्रै सात अर्ब लागत बढेको हो । त्यसैगरी मूल्य अभिवृद्धिले आयोजनाको लागतमा पाँच अर्ब बढेको प्रतिवेदनमा उल्लेख छ । महाभूकम्पको क्षति र ढिलासुस्तीले पनि आयोजनाको लागत बढाएको छ ।

यतिखेर आयोजनाको कार्यप्रगतिमा कुनै बाधा छैन । बाधा व्यवधान नआएपछि निकै उत्साहपूर्वक कर्मचारीहरू खटिरहेका देखिन्छन् । दुई प्रतिशत काम बाँकी रहँदा देखिएको सकारात्मक कार्यप्रगतिले आयोजनाले सन् २०२० को सुरुवातीमा व्यावसायिक उत्पादन थाल्ने आयोजनाको दाबी छ । ४५६ मेगावाटको उक्त आयोजना नेपालको हाल चालु सबैभन्दा ठूलो आयोजना हो । उक्त आयोजनाका लागि दीर्घकालीन ऋण ३१ अर्ब ८ करोड र स्वपुँजी १० अर्ब २९ करोड रुपैयाँ संकलन भइसकेको छ । नेपाल सरकारको ११ अर्ब ८ करोड, नेपाल विद्युत् प्राधिकरण, टेलिकम, बिमा संस्थान, नागरिक लगानी कोष र राष्ट्रिय बिमा संस्थानको ५१ प्रतिशत लगानी प्रवाह भइसकेको छ ।त्यसैगरी आयोजनाका लागि कर्मचारी सञ्चय कोषका सञ्चयकर्ताका तर्फबाट १७.२८, कम्पनी र विद्युत् प्राधिकरणका कर्मचारीको ३.८४, कर्जा प्रवाह गर्ने संस्थानका कर्मचारीहरूको २.८८ प्रतिशत लागनी भइसकेको छ । सर्वसाधारणको १५ प्रतिशत र दोलखा जिल्लावासीका १० प्रतिशत सेयर रकम पनि संकलन गरी आयोजनाले लगानी गरिसकेको छ ।

प्रतियुनिट विद्युत् उत्पादनका हिसाबले नेपालमा हालसम्म निर्माण भएका र अध्ययन भएका आयोजनाहरूमध्ये माथिल्लो तामाकोसी सबैभन्दा सस्तो आयोजना हो । उक्त आयोजनाले हालसम्म १४ अर्ब ४२ करोड भुक्तानी गरिसकेको छ । यो आर्थिक वर्षभित्र अरू पाँच अर्ब ब्याज भुक्तानी गर्नुपर्ने प्रक्षेपण आयोजनाको छ । आयोजनाको सम्पूर्ण कार्य सम्पन्न हुँदा ब्याज रकम, वित्तीय व्यवस्थापन तथा बैंक कमिसनसहित आयोजनाको कुल लागत ६९ अर्ब ५१ करोड पुग्ने अनुमान छ । ब्याजदर भने क्रमिक आम्दानी गर्दै भुक्तानी गर्दै जाने भएकाले थप लगानीकर्ता खोज्नु नपर्ने आयोजनाले स्पष्ट पारेको छ ।

(कान्तिपुर दैनिक)


लोकप्रिय समाचार
ताजा समाचार
धेरै पढिएको