काठमाडौँ — चैत्र २४ ।
अमेरिकी स्वतन्त्रता संग्राममा सहभागि एक सैनिक जनरलको लिंगका बारेमा यतिबेला नयाँ खुलासा भएको छ ।
अनुसन्धानकर्ताहरुले १८ औं शताब्दीमा भएको स्वतन्त्रता संग्राममा सामेल पोलिश–अमेरिकी जनरल कासिमिर पुलस्की या त महिला थिइन् नभए पनि इन्टरसेक्सवाला थिइन् भनेका छन् ।
वैज्ञानिकहरुले गरेको लगातारको अनुसन्धानपछि अढाई सय वर्षपछि आएर उनी पुरुष नरहेको खुलासा भएको हो ।
सन् १७७७ मा जर्ज वासिंगटनको सेनामा सामेल भएर व्रिटिश सेनासँग लड्ने पुलस्कीलाई पोल्याण्ड र अमेरिका दुबै देशमा युद्ध नायकका रुपमा मानिन्छ ।
लगभग २० वर्ष पहिले वैज्ञानिकहरुले उनको कंकालमा गरेको अनुसन्धानमा महिलाको विशेषता पाएको बताएका थिए । यद्यपि, त्यो उनकै थियो थिएन भन्ने पुष्टी गर्न सकेका थिएनन् ।
तर अहिले आएर डीएनए परीक्षणपछि उक्त कंकाल पुलस्कीकै भएको पुष्टी भएको हो । यससम्बन्धमा बनेको एक डकुमेन्ट्री यही अप्रिल ८ मा स्मिथसोनियन च्यानलमा प्रशारण हुँदैछ ।
को हुन् पुलस्की ?
सन् १७४५ मा पोल्याण्डको वार्सामा जन्मिएका पुलस्की सानो उमेरमै राजनीतिमा चासो राख्दथे ।
किशोरी वयमै उनलाई पोलिश स्वतन्त्रताका लागि संघर्ष गर्न थालेपछि रुसले देश निकाला गरेको थियो । त्यसपछि उनी पेरिस पलायन भएका थिए ।
त्यही उनले अमेरिकी स्वतन्त्रता क्रान्तिकारी बेन्जामिन फ्रैंकलिनलाई भेटे । त्यही भेटपछि उनी अमेरिकी स्वतन्त्रता संग्राममा संलग्न हुन तयार भए र सन् १७७७ को ब्रयान्डिविनको लडाईमा उनले जर्ज वाशिंगटनको ज्यान बचाए ।
तर सन् १७७९ मा ३४ वर्षको उमेरमै सावनको घेराबन्दीमा परेर सख्त घाइते बनेका उनको केही समयमै मृत्यु भएको थियो ।
जर्जियाको सावनकै एक स्मारकमा धातुको भाँडोमा संरक्षित गरिएको पुलस्कीको हड्डी दुई दशकअघि स्मारक हटाउने क्रममा निकालेर अनुसन्धान गरिएको थियो ।
एरिजोना विश्वविद्यालयका फोरेन्सिक वैज्ञानिक चाल्र्स मब्र्सले जर्जिया विश्वविद्यालयका फोरेन्सिक वैज्ञानिक डा. करेन बन्र्ससँग मिलेर अनुसन्धान गरेका थिए ।
अनुसन्धानमा उनीहरुले पुलस्कीका भतिजीको अवशेषलाई फलो गरेका थिए ।
तर त्यतिबेला डीएनएबाट पुष्टी हुन नसकेपनि पछि अरु तीन जनाले उत्कृष्ट प्रविधिसहित गरेको परीक्षणमा पुलस्की महिला या इन्टरसेक्सवाला भएको पुष्टी भएको जनाइएको छ ।
(बीबीसीबाट)
