Logo
28 Feb 2024    १६ फाल्गुन २०८०, बुधबार

ताजा खबर

सरकारसमक्ष मिटरब्याज पीडितको ६ बुँदे माग प्रस्तुत प्रभु बैंकका डेपुटी सीईओ मनोज न्यौपाने पक्राउ नेशनल मेडिकल कलेजद्वारा आयोजित निःशुल्क स्वास्थ्य शिविरबाट २१ सय बढी बिरामी लाभान्वित यार्चागुम्बाको निर्यात दोब्बरले बढ्यो दूधको भुक्तानी तुरून्तै दिन प्रधानमन्त्रीको निर्देशन कृष्ण कँडेलविरूद्ध यौन दुर्व्यवहारको मुद्दा दर्ता

कांग्रेसभित्र कलह, देउवाले बोलाए नेताहरुको बैठक, नेता सिटौला गएनन्

admin

nepali congress kendriya karyalay

काठमाडौँ — चैत्र २५ ।

नेपाली कांग्रेसभित्रको कलह एकपछि अर्को गर्दै झागिँदै गएको छ ।

महाधिवेशन भएको वर्षौसम्म पनि बनाउन नसकिएको केन्द्रीय कार्यसम्पादन समिति गठनबारे फेरि अर्को रडाको देखिएको छ ।

सभापति शेरबहादुर देउवा र वरिष्ठ नेता  पौडेलबीच ६०/४० प्रतिशतका आधारमा समिति बनाउन खोजेपछि अर्का नेता कृष्ण सिटौला विरोध जनाएका छन् । नेताहरुबीच कुरा नमिलेकै कारण सभापतिले बोलाएको केन्द्रीय समितिको बैठकसम्म बस्न सकेको छैन ।

केन्द्रीय समितिको बैठकमा नाम प्रस्ताव गर्नु पूर्व सहमति खोज्न भन्दै सभापति देउवाले आज बोलाएको नेताहरुको बैठक पूर्व महामन्त्री सिटौलाले भने बहिष्कार गरेका छन् ।

सभापति देउवाले आफ्नै निवासमा पार्टी पादाधिकारी र पूर्व पदाधिकारीहरुको वैठक बोलाएपनि सिटौला जान नमानेका हुन् ।

बैठकमा केन्द्रीय कार्यसम्पादन समिति गठनको विषयमा छलफल हुने बताइएको छ ।

केन्द्रीय समिति पछिको शक्तिशाली निकाय कार्यसम्पादन समिति गठनमा आफ्ना मानिसहरु राख्न कांग्रेसमा नेताहरुबीच गूटैपिच्छेको स्वार्थ देखिन्छ ।

प्रवक्ता विश्वप्रकाश शर्माले कार्यसम्पादन समितिसँगै गठन हुन बाँकी रहेका विभागका विषयमा पनि छलफल हुने जानकारी दिएका छन् ।

कार्यसम्पादन समिति बनाउन सभापति देउवा र नेता पौडेलबीच भागबण्डा मिले पनि सिटौला भने आफूलाई बेवास्ता गरिएको भन्दै असन्तुष्ट देखिएका हुन् ।

नेताहरु कुरा नमिलेकै कारण शनिबार बोलाइएको केन्द्रीय समिति बैठक नै हुन सकेको थिएन ।

सिटौलाले २९ सदस्यीय कार्यसम्पादन समितिमा आफूले दुई सदस्य पाउनुपर्ने अडान राखेका छन् भने देउवा र पौडेल सिटौलालाई मात्रै राख्न सहमत भएका छन् ।

(ईमेज खवर)


लोकप्रिय समाचार
ताजा समाचार
धेरै पढिएको