बुलेट सञ्चालनको समस्या समाधान नभएका कारण ग्यास उद्योग व्यबसायीहरुले दशैं, तिहारमा खाना पकाउने एलपी ग्यासको ढुवानी ठप्प पार्ने चेतावनी दिएका छन् । सरकारकै स्वीकृतिमा निर्माण भइसकेका बुलेट सञ्चालनमा ल्याउन पहल नगरेको भन्दै दवावस्वरुप आगामी दशैं तिहारमा ग्यास ढुवानी ठप्प पार्ने चेतावनी व्यवसायीले दिएका हुन् । दशैं, तिहार, छठ जस्ता पर्वहरु तथा चुनाव समेत नजिकिँदै जाँदा पनि बाध्यात्मक परिस्थितिका कारण ग्यासको आपूर्तिमा अवरोध सृजना हुनसक्छ,’ संघले जारी विज्ञप्तीमा भनिएको छ । शुक्रबार बसेको संघको २२ औं साधारणसभाले बुलेट सञ्चालनको वातावरण बनाउन सरकारलाई १५ दिनको अल्टिमेटम समेत दिइसकेको छ ।
बुलेटको समस्या समाधानका लागि पहल र समन्वय गर्न संघका नवनिर्वाचित अध्यक्ष गोकुल भण्डारीको संयोकत्वमा निवर्तमान अध्यक्ष शिवप्रसाद घिमिरे, कार्यसमिति सदस्य जितवहादुर कार्की, राजकुमार सिन्धी, सल्लाहकार कृष्णकुमार श्रेष्ठ सम्मिलित पाँच सदस्यीय समिति समेत गठन गरिएको छ ।
भारतमा ४ सय बुलेट बनिसकेर थन्किएको पनि नौ महिना बितिसकेको छ ।’ बुलेट सञ्चालन गर्ने अनुमति नपाउँदा त्यसमा गरेको लगानी जोखिममा परेको र ‘बुलेट निर्माणका लागि बैंकबाट लिएको ऋणको किस्ता तिर्न पनि धौधौ पर्दा व्यवसायी मर्कामा परेका छन् तर अव भने बुलेट सञ्चालन गर्ने वातावरण नबने सम्म व्यवसायीले क्षतिपूर्ति पाउनुपर्ने संघको माग छ ।
नेपाल सरकारले ७ सय ७५ वटा नेपाली नम्बरप्लेटका ग्यास बुलेट सञ्चालनका लागि अनुमति दिएको थियो । अनुमति पाएर झण्डै चार सय ग्यास बुलेट निर्माण भइसके पनि भारतले खतरामुक्त प्रमाणपत्र ‘एक्प्लोसिभ लाइसेन्स’ जारी नगरिदिँदा ती बुलेट थन्किएर बसेका छन् ।
