Logo
01 Feb 2023    १८ माघ २०७९, बुधबार

ताजा खबर

विश्व कायस्थ कन्फ्रेन्सको दोस्रो स्थापना दिवस:वृद्धाश्रमलाई विभिन्न सहयोग कामना सेवा विकास बैंकका सिईओ बस्नेतसहित ४ जना पक्राउ भारतबाट बढेर आयो इन्धनको भाउ माओवादी केन्द्रको स्थायी कमिटि बैठक स्थगित खेर जाँदै ४० लाख ‘डोज’ खोप सन्दीप लामिछानेमाथि लगाइएको निलम्बन फुकुवा

राष्ट्राध्यक्षमा राजसंस्था हुनुपर्ने डा. लोहनीको माग

admin

काठमाडौं, २० भदौ । एकीकृत राष्ट्रिय प्रजातन्त्र पार्टी (राष्ट्रवादी) ले पार्टीका एजेण्डा सार्वजिनिक गरेको छ । राजधानीमा पत्रकार सम्मेलन गरि बौद्ध, किराँत, मसुलमान तथा अन्य सवै धर्मको सम्मान गर्दै नेपाललाई हिन्दु राष्ट्र कायम गर्ने, राष्ट्रपतिको रुपमा राजसंस्थाको उपस्थिति कायम गर्ने, भष्ट्राचारको उन्मुलनको अभियान सुरु गर्ने, स्वदेशमै रोजगारी सिर्जना गर्ने लगायतका एजेण्डा सार्वजनिक गरेको हो ।
पार्टीका अध्यक्ष डा. प्रकाशचन्द्र लोहनीले माथिल्लो संसदमा समानुपातिका जनप्रतिनिधिहरुको उपस्थिति कम हुनुपर्ने बताउँदै भने,‘हाम्रो मुलुकमा अस्थिर राजनीतिकले जरा गाढेको छ, हाम्रो पार्टीले स्थिर राजनीतिक र सकारको लागि कदम चाल्नेछ, हाम्रो पार्टी समावेशी राष्ट्रवाद, बहुलवादी प्रजातन्त्र र प्रगतिशील उदारवादको दर्शन बोकेको पार्टी हो, यसै अनुरुप जनताकोबीचमा जान्छ।’
पाँच महिना अघिमात्रै निर्वाचन आयोगबाट मान्यता पाएको एराप्रपा राष्ट्रवादीले ६० जिल्लामा पार्टीको जिल्ला कमिटि गठन गरिसकेको अध्यक्ष लोहनीले जानकारी दिए।
वर्तमान राजनितिक अस्थिरताको अन्त्य गर्नको लागि प्रत्यक्ष प्रधानमन्त्री चुनिनुपर्ने पक्षमा रहेको एराप्रपा पार्टीले राष्ट्रध्यक्षको रुपमा राजसंस्था हुनुपर्ने माग गरेको छ।
त्यस्तै अध्यक्ष डा.लोहनीले शक्तिशाली पावरको रुपमा रहने केन्द्रसभामा देशमा रहेका सबै जातजाति र समुदायको प्रतिनिधित्व जनसंख्याको अनुपातमा सुनिश्चित गरिनुपर्ने जोड दिए ।
प्रतिनिधि सभा प्रत्यक्ष निर्वाचित हुनुपर्ने अडान दोहोर्याउँदै अध्यक्ष डा. लोहनीले एराप्रपाले भनेको आधारमा नेपालको शासन व्यवस्था सञ्चालन नभएको खण्डमा वैदेशिक हस्तक्षेप बढ्ने दावी गरे ।
पार्टीका एजेण्डालाई मुर्त रुप दिनको लागि भदौ २१ गते राजधानीका विभिन्न स्थानमा कोण सभा गर्ने, २२ गते कोटेश्वरमा बृहत्त मोटर साईकल र्याली निकाल्ने, २३ गते बबरमहलदेखि र्याली निकालेर नयाँ वानेश्वरमा पुगी कोण सभामा परिणत हुने पार्टीले जानकारी दिएको छ।
उनले असोज २ गते हुने प्रदेश नम्बर २ स्थानीय तहको निर्वाचनमा आफ्नो पार्टीले भाग नलिने जानकारी दिए ।


लोकप्रिय समाचार
ताजा समाचार
धेरै पढिएको