एन्जिला र आशिषको स्वरमा रहेको  ‘मेरो हरपल तिमी’ म्यूजिक भिडियो सार्वजनिक

काठमाडौं, गायिका एन्जिला रेग्मी र गायक आशिष गौतमको  नयाँ आधुनिक गीत  ‘मेरो हरपल तिमी’   बोलको  म्यूजिक भिडियो सार्वजनिक गरिएको छ ।  युट्युब मार्फत सार्वजनिक गरिएको उक्त म्यूजिक भिडियोमा संगीत तथा शब्द भिम बिसीको छ भने मनोहर सुनामको एरेन्ज रहेको छ । रंग पत्रकार सुव्रत आचार्यको निर्देशन रहेको सो म्यूजिक भिडियोमा मरिस्का पोखरेल र आकाश श्रेष्ठको अभिनय रहेको छ । सुन्दरादेवी सन्देश म्युजिक अवार्डको सर्वोत्कृष्ट गायिका तर्फ उत्कृष्ट पाँचमा पर्न सफल भएकी गायिका एन्जिला छोटो समयमा लोकप्रिय हुदै गईरहेकी छिन ।