युनिकोड
पात्रो
मंगलवार, कार्तिक २५ गते २०८३
सोमवार, कार्तिक २४ २०८३०२:२८
काठमाडौं । बलिउडको बहुप्रतीक्षित चलचित्र ‘रामायण’ले बक्सअफिसमा आफ्नो कमाइ सुधार गर्दै लगेको छ।
चलचित्रले भारतमा हिन्दी भाषामा प्रदर्शनको चार दिनमा १७५.२५ करोड भारतीय रुपैयाँ कलेक्सन गरेको छ।
ट्रेड एनालिस्ट तरण आदर्शका अनुसार चलचित्रले पहिलो दिन बिहीबार ४७ करोड, दोस्रो दिन ३८.२५ करोड, तेस्रो दिन ५३ करोड र चौथो दिन आइतबार ३८ करोड भारतीय रुपैयाँ कमाइ गरेको हो।
यसअघि चलचित्रले ‘दृश्यम–३’ र ‘टक्सिक’को तुलनामा कमजोर ओपनिङ गरेको थियो। चलचित्रको सुरुवाती कमाइलाई बलिउड ट्रेड एनालिस्ट सुमित कँडेलले ‘सकिङ्ली लो ओपनिङ’ भन्दै टिप्पणी गरेका थिए।
यसैबीच, चलचित्रको निर्माण पक्षले पाइरेसीविरुद्ध कडा चेतावनी दिएको छ। सिनेमा हलमा मोबाइलबाट चलचित्र रेकर्ड गरी सामाजिक सञ्जाल तथा स्ट्रिमिङ साइटमा सार्वजनिक गर्ने काम भइरहेको भन्दै निर्माण पक्षले आपत्ति जनाएको हो।
निर्माण पक्षले पाइरेटेड सामग्री तत्काल नहटाए उच्च अदालतको आदेशअनुसार कानुनी कारबाही अघि बढाउने चेतावनी दिएको छ।
नितेश तिवारीको निर्देशनमा बनेको ‘रामायण’मा रणवीर कपूरले राम, यशले रावण, साई पल्लवीले सीता, सनी देओलले हनुमान र रवि दुबेले लक्ष्मणको भूमिका निर्वाह गरेका छन्।
Be the first to comment!
© 2026 All right reserved to rastrakhabar.com
Site BY Sobij
ताजा
लोकप्रिय
प्रतिक्रिया दिनुहोस