युनिकोड
पात्रो
मंगलवार, कार्तिक २५ गते २०८३
सोमवार, कार्तिक २४ २०८३०४:४४
काठमाडौं । जबर्जस्ती करणी गरेको आरोपमा प्रहरीले पाल्पा र कञ्चनपुरबाट चार जनालाई पक्राउ गरेको छ।
प्रहरी प्रधान कार्यालयका अनुसार पाल्पामा १६ वर्षीया बालिकामाथि जबर्जस्ती करणी गरेको आरोपमा एक जना पक्राउ परेका छन्।
पक्राउ पर्नेमा तनहुँको भानु नगरपालिका–८ घर भई हाल पाल्पाको तिनाउ गाउँपालिका–३ बस्ने ३८ वर्षीय होमबहादुर थापा मगर रहेका छन्। बालिकामाथि जबर्जस्ती करणी गरेको भन्दै परेको उजुरीका आधारमा जिल्ला प्रहरी कार्यालय पाल्पाबाट खटिएको टोलीले उनलाई आइतबार साँझ पक्राउ गरेको हो।
त्यस्तै, कञ्चनपुरमा १५ वर्षीया बालिकामाथि जबर्जस्ती करणी गरेको आरोपमा तीन जना पक्राउ परेका छन्।
पक्राउ पर्नेमा बेलडाँडी गाउँपालिका–१ निवासी २१ वर्षीय विशाल सुनार, १९ वर्षीय सुवास बलायर र २१ वर्षीय प्रकाश बलायर रहेका छन्।
उनीहरूमाथि पनि बालिकामाथि जबर्जस्ती करणी गरेको आरोपमा उजुरी परेपछि इलाका प्रहरी कार्यालय बेलडाँडीबाट खटिएको प्रहरीले आइतबार साँझ पक्राउ गरेको हो।
घटनाबारे प्रहरीले थप अनुसन्धान तथा आवश्यक कानुनी प्रक्रिया अघि बढाएको जनाएको छ।
Be the first to comment!
© 2026 All right reserved to rastrakhabar.com
Site BY Sobij
ताजा
लोकप्रिय
प्रतिक्रिया दिनुहोस