शुक्रवार, कार्तिक २८ २०८३११:३२
नेपाल राष्ट्र बैंकले विभिन्न पदमा ६१ जना कर्मचारी माग गर्दै दरखास्त आह्वान गरेको छ ।
बैंकले शुक्रबार (कात्तिक २७ गते) खुला तथा समावेशी प्रतियोगितात्मक परीक्षामार्फत पदपूर्ति गर्ने गरी विज्ञापन प्रकाशित गरेको हो ।
बैंकले सार्वजनिक गरेको सूचनाअनुसार सहायक निर्देशक र सहायक पदमा कर्मचारी माग गरिएको छ । सबैभन्दा धेरै सहायक निर्देशक र सहायक पदमा २६–२६ जनाका लागि आवेदन खुलाइएको छ ।
विज्ञापनअनुसार सहायक निर्देशक (खुला तथा समावेशी) पदमा २६ जना, सहायक निर्देशक (लेखा/लेखापरीक्षण) पदमा ३ जना, सहायक निर्देशक (वाणिज्य कानुन) पदमा २ जना र सहायक निर्देशक (सूचना प्रविधि) पदमा ४ जना माग गरिएको छ ।
त्यस्तै, सहायक पदमा २६ जना कर्मचारी माग गरिएको छ । विभिन्न पदमा महिला, दलित, अपाङ्गता भएका व्यक्ति, मधेसी तथा आदिवासी जनजातिका लागि समावेशी समूहअन्तर्गत पद छुट्याइएको छ ।
बैंकले सबै पदका लागि आवेदन दिने अन्तिम मिति २०८३ पुस २४ गते (डिसेम्बर १०, २०२६) तोकेको छ ।
इच्छुक तथा योग्यता पुगेका उम्मेदवारले नेपाल राष्ट्र बैंकको आधिकारिक वेबसाइटमार्फत अनलाइन आवेदन दिन सक्नेछन् ।
आवश्यक शैक्षिक योग्यता, उमेरको हद, परीक्षा प्रणाली तथा आवेदन प्रक्रियासम्बन्धी विस्तृत जानकारी बैंकले प्रकाशित गरेको आधिकारिक विज्ञापनमा उपलब्ध छ ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस