शुक्रवार, आश्विन १६ २०८३०९:४७
काठमाडौं । ई–पासपोर्ट ठेक्काको रकम भुक्तानीमा विवाद भएपछि राहदानी विभागको सेवा प्रभावित भएको छ। बिहीबार विभागमा सेवाग्राहीको बायोमेट्रिक लिन नसकिएको हो।
६४ लाख थान ई–पासपोर्टको ठेक्का पाएका जर्मन कम्पनी भेरिडोस र म्युहलबाउरले करिब १ अर्ब २२ करोड रुपैयाँ भुक्तानी पाउन बाँकी रहेको बताइएको छ। भुक्तानी नहुँदा प्रणालीको मर्मत तथा पासपोर्ट आपूर्तिमा समस्या आएको जनाइएको छ।
विभागले भने इन्टरनेटमा समस्या आएर बायोमेट्रिक सेवा प्रभावित भएको र समाधानको क्रममा रहेको जनाएको छ।
यसैबीच, विभागमा पासपोर्टको मौज्दातसमेत घट्दै गएको छ। तत्काल नयाँ आपूर्ति नभए करिब दुई महिनापछि पासपोर्ट अभाव हुन सक्ने अधिकारीहरूले बताएका छन्।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस