बुधवार, आश्विन २८ २०८३१२:४७
काठमाडौं । २०औँ एसियन गेम्समा पदक जित्न सफल नेपाली खेलाडी, प्रशिक्षक तथा व्यवस्थापकले सरकारबाट पुरस्कार रकम पाएका छन् ।
सरकारले खेलकुद विकास नियमावलीअनुसार नेपाललाई पदक दिलाउन सफल करातेका तेञ्जिङ शर्मा र महिला कबड्डी टोलीका खेलाडीसहित प्रशिक्षक तथा व्यवस्थापकको बैंक खातामा पुरस्कार रकम जम्मा गरिदिएको हो ।
यसअघि असोज २३ गते बसेको मन्त्रिपरिषद् बैठकले पदक विजेता खेलाडीलाई पुरस्कार दिने निर्णय गरेको थियो । सोही निर्णयअनुसार कराते खेलाडी तेञ्जिङले ६ लाख ५० हजार रुपैयाँ, उनका प्रशिक्षक कुशल श्रेष्ठले एक लाख ३० हजार रुपैयाँ र व्यवस्थापक युवराज लामाले ६५ हजार रुपैयाँ पुरस्कार पाएका छन् ।
त्यस्तै, महिला कबड्डी टोलीका प्रत्येक खेलाडीले जनही एक लाख ९५ हजार रुपैयाँ पाएका छन् । टोलीकी मुख्य प्रशिक्षक पार्वती राईले एक लाख ३० हजार रुपैयाँ तथा सहायक प्रशिक्षक लोकबहादुर विष्ट र व्यवस्थापक शरद दर्शनाधारीले समान ६५ हजार रुपैयाँ पुरस्कार प्राप्त गरेका छन् ।
जापानको नागोयामा आयोजित २०औँ एसियन गेम्समा नेपालका तर्फबाट कराते खेलाडी तेञ्जिङ शर्मा र महिला कबड्डी टोलीले कांस्य पदक जितेका थिए । उनीहरूको सफलतासँगै प्रशिक्षक तथा व्यवस्थापकलाई समेत सरकारले पुरस्कार प्रदान गरेको हो ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस