शुक्रवार, कार्तिक ७ २०८३०३:१५
इरानले हर्मुज जलमार्गमा सातवटा तेल ट्याङ्करमाथि आक्रमण भएको र ती जहाजमा क्षति पुगेको दाबी गरेको छ। समाचार संस्था अलजजीराका अनुसार, गत फेब्रुअरी २८ मा अमेरिका र इजरायलले इरानविरुद्ध युद्ध सुरु गरेयता हर्मुज जलमार्गमा एकै दिन भएको यो सबैभन्दा ठूलो क्षति हो।
यसैबीच, इरानको इस्लामिक रिभोलुसनरी गार्ड कोर (आईआरजीसी) ले अमेरिकालाई चेतावनी दिएको छ। अमेरिकाले ट्याङ्करहरूलाई हर्मुज जलमार्गको अर्को मार्ग हुँदै आवतजावत गर्न सहयोग गरे मध्यपूर्वमा रहेका अमेरिकी सैन्य आधारहरूमाथि आक्रमण गर्न सकिने आईआरजीसीले जनाएको छ।
इरानले हर्मुज जलमार्गमा आफ्नो नियन्त्रण रहेको दाबी गर्दै आएको छ। युद्ध सुरु हुनुअघि विश्वभर खपत हुने कुल तेल तथा ग्यासको करिब २० प्रतिशत यही जलमार्ग हुँदै ढुवानी हुने गर्थ्यो।
इरानले आफ्नो अनुमतिबिना हर्मुज जलमार्ग पार गर्ने प्रयास गर्ने जहाजमाथि नियमित रूपमा आक्रमण गर्दै आएको छ।
अमेरिकी सेनाले भने हर्मुज जलमार्ग हुँदै आवतजावत गर्ने जहाजलाई सुरक्षा प्रदान गर्ने गतिविधि बढाएको छ। त्यसको प्रतिक्रियास्वरूप इरानले आक्रमण तीव्र पारेको जनाइएको छ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस