आइतवार, आश्विन १२ २०८२०३:५३
काठमाडौँ – गण्डकी प्रदेशका मुख्यमन्त्री सुरेन्द्रराज पाण्डेको सरकारी निवासमा फेरि आगजनी भएको छ। घटना राति करिब साढे २ बजेको समयमा अज्ञात व्यक्तिहरूले आगो लगाएका हुन्।
यो निवास यसअघि भदौ २४ गते जेनजी आन्दोलनका क्रममा तोडफोड र आगजनीमा परेको थियो। त्यसपछिका मूल्याङ्कन अनुसार प्राविधिक समितिले भवन मर्मतपछि प्रयोग गर्न मिल्ने ठहर गरेको थियो र मर्मत कार्य तयारीमा थियो। तर, मर्मत सुरु हुनु अघि नै पुनः आगजनी भएको हो।
पहिलेको आगजनीमा भवनको एउटा कोठामा कम मात्र क्षति पुगेको थियो, जहाँ जल्न बाँकी सामानहरू राखिएको थियो। अहिलेको आगजनी त्यसै कोठामा भएको आशंका गरिएको छ।
मुख्यमन्त्री पाण्डे हाल प्रमुख सचिवको निवासमा बस्दै आएका छन्। जेनजी आन्दोलनका क्रममा गण्डकी प्रदेशका १२ वटा कार्यालय प्रयोग गर्न नमिल्ने गरी ध्वस्त भएका थिए र ४८ भवनमा क्षति पुगेको थियो। सरकारले उक्त आन्दोलनका कारण प्रदेशभरका संरचनामा करिब दुई अर्बको क्षति भएको निष्कर्ष निकालेको छ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस