सोमवार, चैत्र १६ २०८२११:०७
पूर्वमन्त्री दीपक खड्कालाई स्वास्थ्य समस्या देखिएपछि अस्पताल भर्ना गरिएको छ।
सम्पत्ति शुद्धीकरण अनुसन्धान विभागको हिरासतमा रहेका खड्कालाई उपचारका लागि त्रिवि शिक्षण अस्पतालमा भर्ना गरिएको विभाग स्रोतले जनाएको छ। विभागले अदालतबाट ७ दिनको म्याद लिएर उनलाई प्रहरी प्रभाग पुल्चोकको हिरासतमा राखेको थियो।
गएराति करिब साढे १२ बजेतिर अचानक बान्ता भएपछि अनुसन्धान अधिकृतको समन्वयमा उनलाई सुरुमा नर्भिक अस्पताल लगिएको थियो। तर, अवस्था सुधार नआएपछि नर्भिकले थप उपचारका लागि त्रिवि शिक्षण अस्पतालमा रिफर गरेको हो।
हाल शिक्षण अस्पतालमा उनको उपचार भइरहेको छ।
सम्पत्ति शुद्धीकरण अनुसन्धान विभागले खड्काविरुद्ध सम्पत्ति शुद्धीकरण मुद्दामा अनुसन्धान गरिरहेको जनाएको छ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस