युनिकोड
पात्रो
शुक्रवार, आश्विन ३० गते २०८३
बुधवार, आश्विन २८ २०८३०८:४५
केही दिनयता देशभर न्यूनतम तापक्रम घट्दो र चिसो बढ्दो क्रममा रहेको मौसमविद्ले बताएका छन्।
यस क्रममा काठमाडौँ उपत्यकाको रेकर्ड हेर्दा २ हप्तामै झन्डै न्यूनतम तापक्रम ५ डिग्री सेल्सियस घटिसकेको छ।
आज (बुधबार) बिहान ५:४५ बजेको प्रारम्भिक मापनमा काठमाडौँ उपत्यकाको न्यूनतम तापक्रम १४.५ डिग्री सेल्सियस रहेको पूर्वानुमान महाशाखाका मौसमविद् सञ्जीव अधिकारीले जानकारी दिए।
‘यही अक्टोबार १ तारिख काठमाडौँ उपत्यकाको न्यूनतम तापक्रम १९ डिग्री सेल्सियस थियो’, उनले बुधबार बिहान नेपालखबरसँग भने, ‘त्यसयता १८, १७, १६, १५ हुँदै अहिले १४ मा झरिसक्यो।’
आजको वास्तविक न्यूनतम तापक्रम अहिले बिहान ८:४५ बजे मापन गरिन्छ। त्यतिबेला काठमाडौँ उपत्यकाको तापक्रम सुरुवाती मापनमा देखिएभन्दा अरू थोरै घट्ने सम्भावना हुन्छ।
मौसम महाशाखाले हरेक दिन काठमाडौँ उपत्यकासहित देशका विभिन्न स्थानको न्यूनतम र अधिकतम तापक्रम मापन गर्छ। न्यूनतम बिहान ८:४५ बजे मापन गरिन्छ भने अधिकतम तापक्रम साँझ ५:४५ बजे मापन गरिन्छ।
Be the first to comment!
© 2026 All right reserved to rastrakhabar.com
Site BY Sobij
ताजा
लोकप्रिय
प्रतिक्रिया दिनुहोस