आइतवार, आश्विन २५ २०८३०९:३७
चुमनुब्री गाउँपालिका–६ भएर बग्ने उङगिलुङ खोलाबाट बूढीगण्डकी नदीमा आएको बाढीले धार्चे गाउँपालिका जोड्ने माछीखोला पुल बगाएको छ । बाढीले माछीखोला बजारमा समेत क्षति पुर्याएको छ ।
सहायक प्रमुख जिल्ला अधिकारी नेत्रप्रसाद शर्माका अनुसार बाढीले आरुघाटको सोती र मान्बु जोड्ने पुलसमेत बगाएको छ ।
बाढीले उङगिलुङ खोला किनारमा रहेका चारवटा गोठ बगाएको छ । ती गोठमा बाँधिएका १५ वटा याक र नाकसमेत बाढीले बगाएको बताइएको छ ।
पशुको हेरचाहका लागि खटिएका चार जना व्यक्ति भने सम्पर्कविहीन भएका छन् । उनीहरूको खोजी तथा बाढीबाट भएको क्षतिको विवरण संकलनबारे थप जानकारी आउन बाँकी छ ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस